الەمدىك دوداعا جولداما الدىق

استانادا وتكەن ماتچ باستالعان بەتتە ءبىرجان ورازوۆ جىل­دام گول سوعىپ, جەر­گىلىكتى جان­كۇيەر­لەردى ءبىر جەل­پىن­دىرىپ تاستادى. ارادا التى مينۋت وتكەننەن سوڭ دۋگلاس جۋنيور دوپتى توردا تۋلاتتى. ەسەپ – 2:0. سودان كەيىن ويىننىڭ قارقىنى ءسال سايا­بىرسىدى. قوناق­تاردىڭ بويىنان جەڭىسكە دەگەن قۇلشىنىس بايقالمادى. سول سەبەپتى دە الاڭ يەلەرى قارسىلاستار قاقپاسىنا توپىرلاتىپ گول سوعۋعا اسىقپادى. وسى ەسەپ باسەكەنىڭ سوڭىنا دەيىن ساقتالدى.

ءسويتىپ, ىرىكتەۋ سىنىندا 15 ۇپاي جيعان قازاقستان قۇراماسى «ا» توبىندا ءبىرىن­شى ورىندى يەلەنىپ, كەلەسى جىلدىڭ 14 قىر­كۇيەگى مەن 6 قازان ارالىعىندا وتەتىن الەم چەمپي­وناتىنىڭ جولداماسىنا يەلىك ەتتى.