تانىمال ءانشى, قازاقتىڭ برەندى, ماقتانىشىمىز ديماش قۇدايبەرگەن «ۆيرتۋوزي» تەلەشوۋىندا اتاقتى تەنور پلاسيدو دومينگومەن بىرگە قازىلار قۇرامىنا ەنگەنىن ماقتانىشپەن جازدى. بۇل تۋرالى ءانشى Instagram-داعى پاراقشاسىندا جازبا جاريالادى.
«1999 جىلى ۇيدە ۇلى تەنوردىڭ كونتسەرتىنىڭ 3 كاسسەتاسى بولاتىن. سودان جىلدار وتكەن سوڭ ۇلى پلاسيدو دومينگومەن بىرگە ەۋروپاداعى ەڭ قىزىقتى «ۆيرتۋوزي» تەلەشوۋىنىڭ قازىلار القاسىنىڭ مۇشەسى بولىپ جۇمىس ىستەيتىنىمدى ەلەستەتە دە المادىم. بۇل جاس تالانتتى سايىسكەرلەرگە ناعىز جۇلدىز بولۋعا تاماشا مۇمكىندىك. بارلىق سايىسكەرگە جانە قازىلار القاسىنا ساتتىلىك تىلەيمىز. پلاسيدو دومينگو, شاقىرتۋىڭىز ءۇشىن راحمەت», دەپ جازدى ديماش قۇدايبەرگەن.