قازاقستاننىڭ قول دوبى شەبەرلەرى سكانديناۆيا تۇبەگىندەگى ءۇش ەلدە – دانيا, نورۆەگيا جانە شۆەتسيادا قاتار ءوتىپ جاتقان ايەلدەر اراسىنداعى الەم چەمپيوناتىن 29-ورىنمەن قورىتىندىلادى.
جەرلەستەرىمىز العاشقى ەكى كەزەڭدەگى التى كەزدەسۋدىڭ بەسەۋىندە جەڭىلىس تاپتى. تارقاتىپ ايتساق, يسپانيا (17:34), برازيليا (16:46), ۋكراينا (24:37), كونگو (36:37) جانە چيليدەن (23:27) ۇتىلىپ, تەك يراننان (33:29) باسىم ءتۇستى. سوڭعى ماتچتى پاراگۆايعا قارسى وتكىزدىك. ءبىزدىڭ قىزدار قانشا جانتالاسقانىمەن قارسىلاستارىمىز دەس بەرمەدى – 30:36. ءسويتىپ, قازاقستاننىڭ گاندبولشىلارى اتالعان جارىستا باق سىناعان 32 كوماندانىڭ اراسىنان 30-ورىندى قاناعات تۇتتى.
ال مىقتىلار جونىندە ايتار بولساق, شيرەك فينالدىق سايىستار مىناداي ناتيجەلەرمەن اياقتالدى: فرانتسيا – چەحيا – 33:22, نيدەرلاند – نورۆەگيا – 23:30, شۆەتسيا – گەرمانيا – 27:20 جانە دانيا – چەرنوگوريا – 26:24. بۇگىن جارتىلاي فينالدا فرانتسيا – شۆەتسيا جانە نورۆەگيا – دانيا شەبەرلىك بايقاسادى.