سەناتتىڭ قارجى جانە بيۋدجەت كوميتەتىنىڭ دەپۋتاتتارى جالپىعا بىردەي دەكلاراتسيالاۋ ماسەلەلەرى بويىنشا مەملەكەتتىك ورگاندارمەن كەزدەسۋ وتكىزدى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كوميتەت توراعاسى سۇلتانبەك ماكەجانوۆ جالپىعا بىردەي دەكلاراتسيالاۋدىڭ ماقساتى – كولەڭكەلى ەكونوميكامەن كۇرەسۋ ءۇشىن جەكە تۇلعالاردىڭ كىرىستەرى مەن مۇلكىن باقىلاۋدىڭ ءتيىمدى جۇيەسىن قۇرۋ, سونداي-اق سالىق پەن بيۋدجەتكە تولەنەتىن باسقا دا مىندەتتى تولەمدەردى جيناۋدى قامتاماسىز ەتۋ ەكەنىن اتاپ ءوتتى.
ء«بىزدىڭ مىندەتىمىز – مەملەكەتتىك ورگانداردىڭ دەكلاراتسيالاردى قابىلداۋعا جانە وڭدەۋگە دايىندىق دەڭگەيىن ءتۇسىنۋ. حالىق ءۇشىن تابىس پەن م ۇلىكتى دەكلاراتسيالاۋدىڭ نەعۇرلىم قولايلى ءتارتىبىن قالىپتاستىرۋ مەن جاساۋعا قاتىسۋ. مەملەكەت الدىندا جالپىعا بىردەي دەكلاراتسيالاۋعا كوشۋ ماسەلەسى بويىنشا حالىقتى كەڭىنەن حاباردار ەتۋ مىندەتى تۇر. جالپىعا بىردەي دەكلاراتسيانى ىسكە اسىرۋ قارجى مينيسترلىگىنىڭ عانا پروبلەماسى ەمەس. باسقا مەملەكەتتىك ورگاندار دا وسى پروتسەسكە بەلسەندى قاتىسۋى ءتيىس», دەدى سۇلتانبەك ماكەجانوۆ.
قارجى ءمينيسترىنىڭ ورىنباسارى ەرجان ءبىرجانوۆ جالپىعا بىردەي دەكلاراتسيالاۋدىڭ قالاي جانە قانداي ۇستانىم بويىنشا وتەتىنى تۋرالى ايتىپ بەردى. سونىمەن قاتار دەپۋتاتتار تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ ورىنباسارى اسحات ورازبەكتىڭ ەلىمىزدەگى شالعاي اۋداندارعا ينتەرنەت بەرۋ سالاسىنداعى احۋال تۋرالى اقپاراتىن تىڭدادى.
سەناتورلار كەزدەسۋ بارىسىندا ورتا ارناۋلى جانە جوعارى وقۋ ورىندارىندا قارجى جانە سالىق ساۋاتتىلىعىن ارتتىرۋ ماسەلەسىن پىسىقتاۋدىڭ ماڭىزدىلىعىن اتاپ ءوتتى. جەرگىلىكتى اتقارۋشى ورگاندار مەن حقكو جالپىعا بىردەي دەكلاراتسيالاۋدى ەنگىزۋ بويىنشا جۇمىس جۇرگىزۋى ءتيىس.
سۇلتانبەك ماكەجانوۆ شارانى قورىتىندىلاي كەلىپ, سەناتورلار اتىنان مۇددەلى مەملەكەتتىك ورگانداردىڭ اتىنا جىبەرىلەتىن ءتيىستى ۇسىنىمدار ازىرلەنەتىنىن اتاپ ءوتتى.