Pantone كونسالتينگتىك كومپانياسى ءداستۇرلى ۇردىسىنە ساي 2024 جىلدىڭ باستى ءتۇسىن تاڭدادى. كومپانيانىڭ تاڭداۋى بيىل اشىق قىزعىلت سارى تۇسكە تۇسكەن. ولار بۇل ءتۇستى «شابدالى مامىعى» (Peach Fuzz, پەرسيكوۆىي پۋح) دەپ اتاۋدى ۇسىندى. ۇسىنىستى يتاليانىڭ ۇزدىك ءسان ۇيلەرى Gucci, Jil Sander جانە Sportmax برەندتەرى قولداپ وتىر, دەپ جازادى Egemen.kz.
Pantone پىكىرىنشە, كەلەر جىلدىڭ باستى ءتۇسى بولعالى تۇرعان شابدالى رەڭكى ىشكى تىنىشتىقتى ساقتاي وتىرا, الەۋمەتتىك قوعاممەن تەرەڭ بايلانىس ۇعىمىن اڭعارتىپ تۇرماق.
كومپانيا تاڭداۋىن Pantone باس ديرەكتورى لەاتريس ەيسمان:
ء«بىز قاقتىعىسقا تولى عاسىردا, قوعامدا ءومىر ءسۇرىپ جاتىرمىز. ءومىرىمىزدىڭ كوپ تۇسىندا كۇيزەلىسكە ءجيى ەنىپ كەتەمىز. جاناشىرلىق, قامقورلىق كوپ قاجەت. «شابدالى مامىعى» ءتۇسى وسىنداي سەزىمدەردى سەزىنۋگە مۇمكىندىك بەرەدى, دەپ ءتۇسىندىردى.
شابدالى رەڭكى ءتۇسى بەينەلى تۇردە ارتىق 1-2 كگ سالماق قوسقانمەن, ادامنىڭ سىن-سىمباتىن جيناقى, ءتۇر-تۇلعاسىن ايقىن ەتىپ كورسەتەدى.
اتالعان كومپانيا ءار جىلدىڭ ۇزدىك ءتۇسىن 25 جىلدان بەرى تاڭداپ كەلەدى.
ايتا كەتەيىك, 2023 جىلدىڭ باس ءتۇسى دەپ اشىق قىزعىلت رەڭك (ياركو مالينوۆىي, Viva Magenta) تاڭدالعان ەدى.