مەملەكەتتىك رامىزدەر – بۇل كەز كەلگەن مەملەكەتتىڭ ەگەمەندىگى مەن بىرتۇتاستىعىن بەينەلەيتىن نىشاندارىنىڭ ءبىرى. ولار مەملەكەت ءيميدجىنىڭ اجىراماس بولىگىن قۇرايدى, ازاماتتاردىڭ ءپاتريوتيزمىن بىلدىرەدى.
تۋعان جەرگە دەگەن ماقتانىش پەن سۇيىسپەنشىلىك مەملەكەتتىك رامىزدەردى قۇرمەتتەۋدەن باستالادى. مەملەكەتتىك ەلتاڭبانىڭ اۆتورلارىنىڭ ءبىرى جانداربەك مالىبەكوۆتىڭ ايتۋىنشا, ەلتاڭبا, تۋ, ءانۇران ءاربىر رەسمي جانە بەيرەسمي ءىس-شارادا بولۋى ءتيىس. سوندا عانا ءبىزدىڭ مەملەكەتتىك رامىزدەر وسكەلەڭ ۇرپاق اراسىندا كەڭىنەن تارالادى.
قازاقستاننىڭ مەملەكەتتىك رامىزدەرى تەك مەملەكەتتىك قۇرىلىمدار نەمەسە حاتتامالىق ءىس-شارالار شەڭبەرىندە عانا ەمەس, بارلىق جەردە دارىپتەلۋى كەرەك. بۇل رەتتە پرەزيدەنت جانىنداعى مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەسى جونىندەگى رەسپۋبليكالىق كوميسسياسى 2023 جىلى مەملەكەتتىك رامىزدەر مەن ۆەدومستۆولىق ناگرادالاردى پايدالانۋ سالاسىنداعى ماسەلەلەردى شەشۋ ماقساتىندا بىرقاتار ءىس-شارانى جۇزەگە اسىردى. كوميسسيا قوعامدا مەملەكەتتىك رامىزدەر, گەرالديكا جانە ۆەدومستۆولىق ناگرادالارعا قاتىستى تۋىندايتىن رەزونانستى وقيعالارعا بەي-جاي قارامايدى. كوميسسيانىڭ 2023 جىلعى جۇمىس جوسپارىنا سايكەس بىرقاتار جۇمىس جۇرگىزىلدى.
زاڭنامالىق جانە نورماتيۆتىك قۇقىقتىق بازانى جەتىلدىرۋ ماقساتىندا 2023 جىلى قر قىلمىستىق كودەكسىنىڭ «مەملەكەتتىك رامىزدەردى قورلاۋ» 372-بابىنا 2023 جىلعى 3 قاڭتارداعى № 188-VII قر زاڭىمەن وزگەرىستەر مەن تولىقتىرۋلار ەنگىزىلدى.
2023 جىلى قىلمىستىق كودەكستىڭ 372-بابى بويىنشا 1 كومپانياعا 3000 اەك ايىپپۇل سالىندى (جالپى 2023 جىلى ىشكى ىستەر مينيسترلىگىمەن قىلمىستىق كودەكس بويىنشا 1 حاتتاما, اكىمشىلىك قۇقىق بۇزۋشىلىق كودەكسى بويىنشا 46 حاتتاما تولتىردى).
- «قر ست 1430-2005 «قازاقستان رەسپۋبليكاسىنىڭ مەملەكەتتىك ەلتاڭباسى سالىنعان مورگە قويىلاتىن تەحنيكالىق تالاپتارىنا» 2023 جىلعى 30 مامىردا № 195-نق بۇيرىعىمەن وزگەرىستەر مەن تولىقتىرۋلار ەنگىزىلدى.
- «ۇلتتىق ستاندارتتارعا سايكەس كەلمەيتىن قازاقستان رەسپۋبليكاسىنىڭ مەملەكەتتىك تۋىن, مەملەكەتتىك ەلتاڭباسىن اۋىستىرۋ جانە جويۋ قاعيدالارىن بەكىتۋ تۋرالى» بۇيرىق بەكىتىلدى.
- مەملەكەت باسشىسىنىڭ تاپسىرماسىنا سايكەس وڭىرلىك نىشانداردى ازىرلەۋ مەن بەكىتۋ جۇيەسىن رەتكە كەلتىرۋ, جالپى تاسىلدەر تۇجىرىمداماسىن دايىنداۋ بويىنشا قولدانىستاعى «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» 2001 جىلعى 23 قاڭتارداعى زاڭعا وزگەرىستەر مەن تولىقتىرۋلار ەنگىزىلدى.
زاڭنىڭ 6-بابى «وڭىرلىك نىشانداردى بەكىتۋ» دەگەن 4-5) تارماقشامەن جانە 29-بابى «قازاقستان رەسپۋبليكاسىنىڭ مەملەكەتتىك رامىزدەر سالاسىنداعى ۋاكىلەتتى ورگان بەكىتەتىن ۇلگىلىك قاعيدالاردىڭ نەگىزىندە وڭىرلىك نىشانداردىڭ جوباسىن ازىرلەيدى» دەگەن 16) تارماقشامەن تولىقتىرىلدى.
- 2023 جىلى مادەنيەت جانە سپورت مينيسترلىگىنىڭ جانىنان مەملەكەتتىك رامىزدەر مەن گەرالديكالىق بەلگىلەر ماسەلەلەرى جونىندەگى ساراپتامالىق كەڭەس قۇرىلدى.
- 4 ماۋسىم – مەملەكەتتىك رامىزدەر كۇنىنە وراي «استانا, الماتى, شىمكەنت قالالارى مەن وبلىستاردىڭ پاتريوتتار فورۋمىن» ۇيىمداستىرۋ تۇجىرىمداماسى بەكىتىلىپ, وڭىرلەرگە جولداندى.
- 2023 جىلى 5 ۆەدومستۆولىق ناگرادا جانە 1 گەرالديكالىق بەلگى تاعايىندالدى.
«سوت جۇيەسىنىڭ دامۋىنا قوسقان ۇلەسى ءۇشىن», «سايلاۋ ورگاندارى جۇيەسىن دامىتۋعا قوسقان ۇلەسى ءۇشىن» جانە, «ەكونوميكا سالاسىن دامىتۋعا قوسقان ۇلەسى ءۇشىن» مەدالدارى, «كەن ورنىن العاش اشۋشى» جانە «ەڭبەك سىڭىرگەن گەولوگ» توسبەلگىلەرى, ىشكى ىستەر مينيسترلىگىنىڭ جاڭا رامىزدەرى (شەۆروندار) زاڭنامالىق نورمامەن بەكىتىلدى.
جالپى مەملەكەتتىك ورگانداردىڭ ۆەدومستۆولىق ناگرادالارىن وڭتايلاندىرۋ ماقساتىندا توقسان سايىن تالداۋ جۇمىستارى, سونداي-اق ولاردىڭ شىعارىلۋى مەن تابىستالۋى جونىندە رەتتىك ەسەپتەر جۇرگىزىلىپ جاتىر.
«قازاقستان رەسپۋبليكاسىنىڭ مەملەكەتتىك رامىزدەرى تۋرالى» 2007 جىلعى 4 ماۋسىمداعى № 258 كونستيتۋتسيالىق زاڭىنا سايكەس مادەنيەت جانە اقپارات مينيسترلىگى – گەرالديكا سالاسىنىڭ دامۋىنا, مەملەكەتتىك رامىزدەردىڭ پايدالانۋى مەن ناسيحاتتالۋىنا, اسكەري رامىزدەر مەن اسكەري بەلگىلەردىڭ بەكىتىلۋىنە, وڭىرلىك نىشانداردى, ۆەدومستۆولىق جانە ولارعا تەڭەستىرىلگەن وزگە دە ناگرادالاردىڭ نورماتيۆتىك-قۇقىقتىق دەڭگەيدە بەكىتىلۋىنە جاۋاپتى ورگان.
بۇل رەتتە 2023 جىلى رەسپۋبليكا بويىنشا 7000-نان اسا ءارتۇرلى فورماتتاعى ءىس-شارا وتكىزىلدى (ونىڭ ىشىندە 300 استامى ءىرى شارالار). جالپى 4 ميلليوننان استام ادام قامتىلدى.
مينيسترلىكتىڭ تىكەلەي ۇيىمداستىرۋىمەن 1 رەسپۋبليكالىق پاتريوتتار فورۋمى, 6 رەسپۋبليكالىق وقىتۋ سەمينارى, 6 ساراپتامالىق كەڭەس, الەۋمەتتىك جەلىلەردە 10-نان اسا چەللەندج, 2 كونفەرەنتسيا ۇيىمداستىرىلدى.
4 ماۋسىم كۇنى بۇكىل رەسپۋبليكا بويىنشا ءبىر ۋاقىتتا مەملەكەتتىك گيمن ورىندالدى. 5 ماۋسىم كۇنى استانا قالاسىنداعى «اتامەكەن» ەتنومەموريالدىق ساياباعىنداعى ەڭ بيىك تۋ تۇعىردا مەملەكەت باسشىسىنىڭ قاتىسۋىمەن مەملەكەتتىك تۋ كوتەرۋ ءراسىمى ۇيىمداستىرىلدى. ءار وڭىردە پاتريوتتار فورۋمدارى وتكىزىلدى.
«وتاندى ءسۇيۋ – جۇرەكتەن» مەدياجوباسى, «تۋىمىز تورىمىزدە» اتتى جالپى ۇلتتىق اكتسيا ۇيىمداستىرىلدى. وعان قوسا «قازاقستاندىق ءپاتريوتيزمدى ناسيحاتتاۋ جونىندەگى 2024 – 2026 جىلدارعا ارنالعان» كەشەندى جوسپار ازىرلەندى.
ەلىمىزدەگى ەڭ تانىمال موبيلدىك باعدارلاما – «Aqyl battle» قوسىمشاسىنا مەملەكەتتىك رامىزدەرگە ارنالعان ارناۋلى بلوك ىسكە قوسىلدى.
بۇگىنگى كۇنى جاڭا تەحنولوگيالىق قوسىمشانى 600 مىڭنان استام ازامات پايدالانادى. اتالعان موبيلدىك قوسىمشانىڭ اسىرەسە جاستار اراسىندا وتە تانىمال ەكەنىن ەسكەرسەك, بۇل قادام وسكەلەڭ ۇرپاقتىڭ مەملەكەتتىك رامىزدەر تۋرالى ءبىلىمىن ارتتىرۋعا جول اشادى دەپ سەنەمىز.
ەرەكشە اتاپ وتەتىن جايت بيىل سىرتقى ىستەر مينيسترلىگىمەن بىرگە الەۋمەتتىك جەلىلەر ارقىلى «مەنىڭ تۋىم – مەنىڭ ماقتانىشىم» تاقىرىبىندا شەتەلدە تۇراتىن قازاقستان ازاماتتارىنىڭ بەينەقۇتتىقتاۋلارى ۇيىمداستىرىلدى.
سونداي-اق قازاقستان رەسپۋبليكاسى مەملەكەتتىك تۋىنىڭ اۆتورى شاكەن نيازبەكوۆتىڭ 85 جىلدىق مەرەيتويىنا وراي رەسپۋبليكا بويىنشا 70-تەن اسا (ونىڭ 5 ءىرى ءىس-شارا) ءىس-شارا ۇيىمداستىرىلدى.
مادەنيەت جانە اقپارات مينيسترلىگىنىڭ باستاماسىمەن 2023 جىلعى 1 ماۋسىمدا رەسپۋبليكالىق عىلىمي-پراكتيكالىق كونفەرەنتسيا ۇيىمداستىرىلدى. وعان ەلىمىزگە بەلگىلى عالىمدار, گەرالديستەر, ساراپشىلار مەن قوعام قايراتكەرلەرى قاتىستى.
بۇعان قوسا مەرەيتويدىڭ قورىتىندى شاراسى رەتىندە تۋعان جەرى جامبىل وبلىسىندا «شاكەن نيازبەكوۆ: قىلقالام عۇمىر» رەسپۋبليكالىق عىلىمي-پراكتيكالىق كونفەرەنتسياسى ءوتتى. ءىس-شاراعا كوميسسيا مۇشەلەرى قاتىستى.
2023 جىلى مەملەكەتتىك رامىزدەردى زاڭ تالاپتارىنا سايكەس قولدانىلۋى بويىنشا 443 مەملەكەتتىك مەكەمەگە مونيتورينگ جۇرگىزىلدى. ولار: سىبايلاس جەمقورلىققا قارسى ءىس-قيمىل اگەنتتىگىنە, توتەنشە جاعدايلار مينيسترلىگىنە, اباي, اتىراۋ, جەتىسۋ, جامبىل, پاۆلودار, ماڭعىستاۋ, ۇلىتاۋ, باتىس قازاقستان جانە شىعىس قازاقستان وبلىستارى.
سونداي-اق گەرالديكا سالاسىن جەتىلدىرۋ بويىنشا «وڭىرلىك نىشانداردى», «مەملەكەتتىك ورگانداردىڭ نىشانى», «مەملەكەتتىك ۇيىمداردىڭ نىشانى», «كاسىپوداق ۇيىمدارىنىڭ نىشانى» جانە «ۇكىمەتتىك ەمەس ۇيىمداردىڭ نىشانى» بىرىزدەندىرۋ جانە مەملەكەتتىك گەرالديكالىق ءتىزىلىمدى جۇرگىزۋ (ۆەدەنيا گوسۋدارستۆەننوگو گەرالديچەسكوگو رەگيسترا) ماقساتىندا جۇمىستار باستالدى.
جاس ۇرپاق ەلدىڭ قۋاتتى قوزعاۋشى كۇشى ەكەنىن ەسكەرسەك, مەملەكەتتىك رامىزدەردى جاستار ورتاسىندا تانىمال ەتۋگە ەرەكشە نازار اۋدارۋ كەرەك. مىسالى, جاستار اراسىندا جاپپاي كوشەدە, سپورت جانە مادەني, مەكەمەلەر مەن وقۋ ورىندارىندا (مەكتەپكە دەيىنگى بالالار, مەكتەپ وقۋشىلارى, ستۋدەنتتەر, جۇمىسكەرلەر ۇجىمدارى جانە ت.ب.), سونداي-اق الەۋمەتتىك جەلىلەردە ءارتۇرلى فلەشموبتار ۇيىمداستىرۋ قاجەت.
سونداي-اق تۋ ەلەمەنتتەرىن سمارتفوندار مەن باسقا گادجەتتەردىڭ ۇسىنىلعان ەكراندارىنا/تۇسقاعازدارىنا, مەكتەپ اتريبۋتتارىنا (ريۋكزاكتار, پەنالدار, قالامدار, سپورتتىق كيىمدەر جانە ت.ب.), تەلەفون قوراپتارىنا جانە باسقالارعا ورنالاستىرۋعا بولادى.
سونىمەن قاتار بارلىق مەنشىك نىساندارىنداعى بالاباقشالاردا, مەكتەپتەردە, ارنايى ورتا جانە جوعارى وقۋ ورىندارىندا ءارتۇرلى بۇقارالىق ءىس-شارالاردا كوگىلدىر ءتۇستى گالستۋكتاردى, ورامالداردى, كوبەلەك-گالستۋكتاردى پايدالانۋعا بولادى.
تولەۋبەك مۇقاشەۆ,
مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەسى جونىندەگى كوميسسيانىڭ مۇشەسى