تۇركيا چەمپيوناتىنىڭ 15-تۋرى اياسىندا «انكاراگيۋدجيۋ» مەن «ريزەسپور» اراسىنداعى ماتچ سوڭى توبەلەسكە ۇلاستى. ويىننان كەيىن «انكاراگيۋدجيۋ» كومانداسىنىڭ پرەزيدەنتى الاڭعا اتىپ شىعىپ, باس تورەشى حاليل ۋمۋت مەلەرگە جۇدىرىق جۇمسادى, دەپ جازادى Egemen.kz Prosports.kz-كە سىلتەمە جاساپ.
تۇركيا چەمپيوناتىنىڭ 15-تۋرىندا اتالعان كوماندالار 1:1 ەسەبىمەن تەڭ تۇسكەن. باس تورەشى مەلەر العاشقى تايمدا «انكاراگيۋدجيۋ» كومانداسى سوققان گولدى ەسەپكە الماي, ويىننىڭ 50-ءشى مينۋتىندا وسى كوماندانىڭ ءبىر ويىنشىسىنا قىزىل قاعاز كورسەتكەن.
ويىن سوڭىنا دەيىن ون ويىنشىمەن قالۋعا ءماجبۇر بولعان كومانداعا 97-مينۋتتا قارسىلاستارى گول سوعىپ كەتكەن.
وسى ءىس-ارەكەتتەرگە شامدانعان «انكاراگيۋدجيۋ» پرەزيدەنتى الاڭعا اتىپ شىعىپ, تورەشىنىڭ بەتىنەن ۇرعان.
سوڭىنان وعان الاڭداعى باسقا ادامدار دا قوسىلىپ تورەشىنى تەپكىنىڭ استىنا العان.
حاليل ۋمۋت مەلەرگە العاشقى مەديتسينالىق كومەك كورسەتىلىپ, كەيىننەن اۋرۋحاناعا جاتقىزىلعان.