جاڭا جىلدان باستاپ بارلىق بالاعا اقشا اۋدارىلا باستايدى

بۇل تۋرالى قارجى مينيسترلىگىنىڭ بيۋدجەتتىك كرەديتتەۋ, ۇلتتىق قور جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازين ۆەدوموستۆو ۇيىمداستىرعان بريفينگتە مالىمدەدى. 

«ۇلتتىق قور تولەمدەرىن بىرىڭعاي جيناقتاۋشى زەينەتاقى قورى 2024 جىلدىڭ 1 اقپانىنان باستاپ اۋدارادى. 18 جاسقا تولماعان بارلىق بالاعا بىردەي سوما اۋدارىلادى. ال كامەلەت جاسىنا 2024 جىلى تولاتىن بالالار سول قاراجات شوتىنا تۇسكەن كەزدەن باستاپ ءوتىنىم بەرىپ, ۇلتتىق قور اقشاسىن پايدالانۋ ماقساتىن راستايتىن قۇجاتتى كورسەتۋ ارقىلى ءارى قاراي بۇل قاراجاتتى پايدالانا الادى», دەدى ايبول ارعىنعازين ۆەدومستۆو ۇيىمداستىرعان بريفينگتە.