اق جول, ازات!

قانداسىمىزدىڭ قارسىلاسى – نەيت مەنەس. امەريكالىق فايتەردىڭ جاسى 32-دە. سپورتتىق مانسابىن وسىدان تۋرا 10 جىل بۇرىن باستاعان ول سول ۋاقىتتان بەرى 20 مارتە ايقاس الاڭىنا شىقتى. العاشقى 12 كەزدەسۋدە جەڭىسكە جەتتى. 2019 جىلدىڭ مامىر ايىندا فرانتسيالىق تەلور لەپيلۋستان تاياق جەدى. ارادا تۋرا ءبىر جىل وتكەننەن سوڭ ءوزىنىڭ وتانداسى كەلەن ۆان كامپتى نوكاۋتپەن ۇتتى. وسى جارقىن جەڭىسىنەن كەيىن UFC-مەن كەلىسىمشارتقا وتىردى. اتاقتى پروموۋشەننىڭ تۋى استىندا 9 مارتە ونەر كورسەتىپ, 7 رەت جەڭىسكە جەتتى. نەيت تەك رەسەيدىڭ نامىسىن قورعاپ جۇرگەن داعىستاندىق ۋمار نۇرماعامبەتوۆ پەن تاگير ۋلانبەكوۆكە ەسە جىبەردى.

ازات ماقسۇم UFC-دە ءبىر عانا كەزدەسۋ وتكىزدى. بيىل جازدا ول لاس-ۆەگاستا امەري­كا­لىق تايسون نەمنان ايلاسىن اسىردى. ال ارالاس-جەكپە-جەكتەن وتكەن جارىستاردا ۇزىن سانى 17 رەت ونەر كورسەتكەن 28 جاستاعى قازاق فاي­تەرى سول باسەكەلەردىڭ بارلىعىن ءوز پايداسىنا شەشتى. 12 ايقاستا ازات ايقىن باسىمدىق تانىتتى.