شايبالى حوككەيدەن قازاقستان قۇراماسى ماجارستاننىڭ استاناسى بۋداپەشتتە ءوتىپ جاتقان جاستار اراسىندا الەم بىرىنشىلىگىن ءساتتى باستادى.
«ا» توبىندا ونەر كورسەتەتىن جەرلەستەرىمىز تۇساۋكەسەر كەزدەسۋىن جارىس قوجايىندارىنا قارسى وتكىزدى. ويىن تىزگىنىن بىردەن قولعا العان سەرگەي ستارىگيننىڭ شاكىرتتەرى ءبىرىنشى كەزەڭدە ەكى شايبانى قاقپاعا ەنگىزدى. بۇل گولداردىڭ اۆتورلارى – داۆلات نۇركەنوۆ (4-مينۋت) پەن ەگور سموليانينوۆ (13-مينۋت). وعان ماجارستاندىقتار گەرگو ميحاليكتىڭ (14-مينۋت) گولىمەن عانا جاۋاپ قايتاردى. ۇزىلىستەن كەيىن بەندەگۋز دوبوش (39-مينۋت) تارازى باسىن تەڭەستىردى. ەسەسىنە ءۇشىنشى كەزەڭدە قوناقتار قارقىنىن كۇشەيتتى. 49-مينۋتتا ارتەم اۆدەەنكو نىسانانى ءدال كوزدەسە, 53 جانە 58-مينۋتتاردا ۆسەۆولود لوگۆين قاتارىنان ەكى گول سوقتى. ەسەپ – 5:2.
كەشە تۇندە ەلىمىزدىڭ حوككەيشىلەرى دانيامەن كۇش سىناستى. ودان كەيىن ءبىز فرانتسيا, جاپونيا جانە اۋستاريا قۇرامالارىمەن شەبەرلىك بايقاسامىز.