فۋتبولدان ەل پرەمەر-ليگاسىندا كۇش سىناسىپ جۇرگەن كوماندا باسشىلارى اراسىندا ساۋالداما جۇرگىزىلىپ, سول ارقىلى ەلىمىزدىڭ ەڭ جاقسى جانە ەڭ ناشار ستاديوندارى انىقتالدى.
ۇزدىكتەر تىزىمىندە الماتىنىڭ ورتالىق ستاديونى تەڭدەسسىز دەپ تانىلدى. 1958 جىلى پايدالانۋعا بەرىلگەن سپورتتىق نىسان قازىرگى كەزدە 23 804 كورەرمەندى سىيدىرا الادى. بۇل جەردە الماتىنىڭ «قايراتى» ءوز كەزدەسۋلەرىن وتكىزەدى. سونداي-اق ءتۇرلى مادەني جانە سپورتتىق شارالار دا ارا-تۇرا ۇيىمداستىرىلىپ تۇرادى. ۇزدىك بەستىكتىڭ قاتارىنا ەلورداداعى «استانا ارەنا», قوستانايداعى «ورتالىق» پەن «توبىل ارەنا» جانە شىمكەنتتەگى قاجىمۇقان اتىنداعى ستاديون ەندى.
ال اقتوبەدەگى وليمپيادالىق رەۆەرۆتەگى مامانداندىرىلعان بالالار مەن جاسوسپىرىمدەردىڭ وبلىستىق سپورت مەكتەبىنىڭ ستاديونى ەڭ ناشار دەپ تانىلدى. سونداي-اق ساپاسى تومەندەردىڭ ساناتىندا تالدىقورعانداعى «جەتىسۋ» كلۋبىنىڭ قوسالقى الاڭى مەن كوكشەتاۋداعى «وقجەتپەس» كلۋبىنىڭ ستاديونى دا بار.