«قازگيدرومەت» سينوپتيكتەرى 9-11 جەلتوقسانعا ارنالعان اۋا رايى بولجامىن جاريالادى, دەپ حابارلايدى Egemen.kz.
«الداعى ءۇش كۇندە اركتيكالىق انتيتسيكلوننىڭ اسەرىنەن رەسپۋبليكانىڭ باسىم بولىگىندە جاۋىن-شاشىن توقتاپ, اياز كۇشەيەدى. ال اتموسفەرالىق فرونتتاردىڭ اسەرىنەن رەسپۋبليكانىڭ شىعىسىندا قار جاۋادى. قازاقستاننىڭ وڭتۇستىك-باتىسىندا جانە وڭتۇستىك وبلىستارىندا جاۋىن-شاشىن (جاڭبىر, قار) ساقتالادى. رەسپۋبليكانىڭ وڭتۇستىگىندە تاۋ بوكتەرىندە جانە تاۋلى ايماقتاردا قاتتى قار جاۋادى», دەلىنگەن حابارلامادا.
اۋا تەمپەراتۋراسى تۇندە سولتۇستىك-باتىستا 20-37 گرادۋس ايازعا دەيىن, سولتۇستىكتە 30-38 گرادۋس اياز, رەسپۋبليكانىڭ قيىر سولتۇستىگىندە 40-46 گرادۋس ايازعا دەيىن سۋىتادى. ورتالىقتا جانە شىعىستا كۇندىز 25-35 گرادۋس ايازعا دەيىن تومەندەيدى. رەسپۋبليكا بويىنشا جەل كۇشەيىپ, وڭتۇستىك وبلىستاردا تۇمان بولجانادى.