اقمولا وبلىسىنىڭ پروكۋراتۋراسى مۇگەدەكتىگى بار 800 بالانىڭ جەڭىلدىكتەر الۋ قۇقىعى بۇزىلعانىن انىقتادى, دەپ حابارلايدى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
«وبلىس پروكۋراتۋراسى, مۇگەدەكتەر ءۇشىن كوزدەلگەن جەڭىلدىكتەر الۋ قۇقىقتارىن بۇزىلۋىن انىقتادى. «قولدانىستاعى زاڭنامادا (قر ء«بىلىم تۋرالى» زاڭىنىڭ 6-بابى) جەرگىلىكتى اتقارۋشى ورگاندارعا مۇنداي بالالاردى تەگىن تاماقپەن قامتاماسىز ەتۋ بويىنشا مىندەتتەر بەكىتىلگەن. وسىعان قاراماستان, ەرەكشە بالالار جەڭىلدەتىلگەن تاماقپەن قامتىلماعان جانە وبلىس اكىمدىگىنىڭ «مەكتەپكە دەيىنگى ۇيىمدارى تاربيەلەنۋشىلەرىنىڭ جەكەلەگەن ساناتتارىنا تاماقتاندىرۋ ءۇشىن شىعىنداردى وتەۋ تۋرالى» قاۋلىسىندا ەسكەرىلمەگەنى» ءمالىم بولدى.
اقمولا وبلىسى پروكۋراتۋراسى قۇقىق بۇزۋشىلىقتى جويىپ, «مۇگەدەكتىگى بار بالالار» ساناتى دا اكىمدىك قاۋلىسىنا ەنگىزىلىپ, تەگىن تاماقتانۋمەن قامتىلاتىن بولدى.