اقتوبەگە جاڭا گاز قۇبىرى تارتىلادى

وبلىس اكىمىنىڭ ايتۋىنشا بيىلعى 10 ايدا ءوڭىر ەكونوميكاسىنا 804,4 ميلليارد تەڭگە ينۆەستيتسيا تارتىلعان. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 8,2 پايىزعا كوپ. سالىنعان قارجىنىڭ نەگىزگى بولىگى, ياعني 725,5 ميلليارد تەڭگە جەكە ينۆەستورلارعا تيەسىلى. سونىڭ ىشىندە وڭدەۋ ونەركاسىبىنە 62,6 ميلليارد تەڭگە, مەتالل كەنىن يگەرۋگە 145,6 ميلليارد تەڭگە قۇيىلعان.

سونداي-اق بيىل جالپى سوماسى 57,2 ميلليارد تەڭگە بولاتىن 19 ءىرى جوبانى ىسكە قوسۋ جوسپارلانعان. بارلىق ينۆەستيتسيالىق جوبا ءۇشىن جاسىل ءدالىز قاعيداتى ەنگىزىلگەن.اسحات شاحاروۆ قازىر اقتوبە – قارابۇتاق – ۇلعايسىن اۆتوجولىنىڭ جوبالىق-سمەتالىق قۇجاتتارى دايىندالىپ جاتقانىن ايتتى.

اكىم پرەزيدەنتكە اقتوبەدە كارىز جۇيەسىن تازارتۋ قوندىرعىسىن سالۋ جونىندەگى جوبانى تانىستىردى. قۇنى 53,5 ميلليارد تەڭگە بولاتىن جوبانى ىسكە اسىرۋ ءۇشىن ەۋروپالىق قايتا قۇرۋ جانە دامۋ بانكىنەن قارجى تارتىلماق.

اقتوبە قالاسىنا «بۇحارا – ورال» ماگيسترالدى گاز قۇبىرىنان ءۇشىنشى جەلىنى تارتۋ جۇمىستارى جونىندە باياندادى. جوبانىڭ جۇزەگە اسىرىلۋى قولدانىستاعى گاز قۇبىرلارىنىڭ جۇكتەمەسىن ازايتۋعا مۇمكىندىك بەرەدى.