بۇگىن ءماجىلىستىڭ جالپى وتىرىسىندا سىرتقى ىستەر ءمينيسترىنىڭ مىندەتىن اتقارۋشى نازيرا نۇرتىلەۋقىزىنىڭ «قازاقستان رەسپۋبليكاسىنىڭ ۇكىمەتى مەن سينگاپۋر رەسپۋبليكاسىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ» اتتى بايانداماسىن وقۋ بارىسىندا قولدانعان «قولشاتىرلىق سيپات» تەرمينىن دەپۋتاتتار تۇسىنبەي قالدى, دەپ جازادى Egemen.kz.
سىرتقى ىستەر ءمينيسترىنىڭ مىندەتىن اتقارۋشى نازيرا نۇرتىلەۋقىزىنىڭ بايانداماسى اقتالعاننان كەيىن دەپۋتات ەلنۇر بەيسەنباي بايانداماشىدان ءوزى قولدانعان «قولشاتىرلىق سيپاتقا يە» تەرمينىن ءتۇسىندىرىپ بەرۋدى سۇرادى.
«نازيرا نۇرتىلەۋقىزى جاڭا ءوزىڭىزدىڭ بايانداماڭىزدا جاقسى ءبىر تەرمين كەلتىردىڭىز. ءبىز ءبىرىنشى رەت ەستىدىك. «قولشاتىرلىق سيپتقا يە» دەگەن. ماعىناسىن ديپلوماتيالىق تىلدە ءتۇسىندىرىپ جىبەرىڭىزشى», دەپ سۇرادى دەپۋتات.
ءمينيستردىڭ مىندەتىن اتقارۋشى ءوز كەزەگىندە:
«ديپلوماتيالىق تەرمين ەمەس, نەگىزى بۇل قۇقىقتىق تەرمين. ونىڭ ماعىناسى راموچنىي, ياعني نەگىزدەر عانا بەرىلەدى. ال دەتاليزيروۆاننىي دەيدى عوي. تەرميندەر ەكى جاقتى جوباعا كەلەتىن بولساق ول ونداي ۋسلوۆيا. ولار باسقا كەلىسىمگە كەلۋى مۇمكىن. ياعني, بۇل جالپى قاعيدالاردى باعىتتايتىن. ءيا», دەپ تۇسىندىرۋگە تىرىستى نازيرا نۇرتىلەۋقىزى.
دەپۋتات داۋلەت مۇقاەۆ ءمينيستردىڭ مىندەتىن اتقارۋشىنىڭ بۇل جاۋابىن ينستاگرام پاراقشاسىندا تۇراقتى جۇرگىزەتىن «كىم, نە ءتۇسىندى؟» ايدارىنا ارقاۋ ەتتى.