بۇگىن ەلىمىزدىڭ باتىسى مەن سولتۇستىگىندە جاڭبىر مەن قار جاۋادى, دەپ حابارلايدى Egemen.kz.
رەسپۋبليكانىڭ سولتۇستىگىندە قالىڭ قار جاۋادى, كوكتايعاق بولىپ, بوران سوعادى. وڭتۇستىك-شىعىس پەن شىعىستا جاۋىن-شاشىن كۇتىلمەيدى.
الداعى تاۋلىكتە اۋا تەمپەراتۋراسى ايتارلىقتاي وزگەرمەيدى, بىراق 7 جەلتوقساننان باستاپ انتيتسيكلوننىڭ باسىپ كىرۋى ناتيجەسىندە اۋا تەمپەراتۋراسىنىڭ تومەندەۋى كۇتىلەدى.
سونىمەن قاتار 7 جەلتوقساندا سولتۇستىك-باتىس سالقىن انتيتسيكلونى كىرىپ كەلەدى دە رەسپۋبليكانىڭ بارلىق بولىگىندە جاۋىن-شاشىن توقتاپ, اۋا تەمپەراتۋراسى كۇرت تومەندەيدى. ەلدىڭ باتىسى, ورتالىعى مەن شىعىسىندا 10-18°س اياز, سولتۇستىك-باتىسى مەن سولتۇستىگىندە 25-33°س اياز, وڭتۇستىگىندە 5-13°س اياز بولۋى ىقتيمال.