ەسىرتكىنىڭ سەرگەلدەڭى

قالانىڭ ورتالىق كوشەلەرىنىڭ بىرىندە تۇراتىن 38 جاستاعى ادام ۇستالعان كەزدە ءوزىنىڭ سينتەتي­كا­لىق ەسىرتكى تاراتۋمەن ءۇش ايدان بە­رى اينالىسىپ كەلە جاتقانىن مويى­نداعان. ول اقىسىن تولەم كار­تاسى ارقىلى العاننان كەيىن تۇتى­نۋشىلارىنا ەسىرتكىنىڭ جىل­­تىر قاعازعا ورالعان دوزاسىن بەلگىلى جەر­لەرگە تىعىپ كەتۋ ارقى­لى تارات­قان. ۇستالعان ادامدى تىنت­كەندە 25 دوزا تابىلعان. بۇل ۇن­تاق­تاردىڭ پسي­حوتروپتىق زاتتار جانە مەفەدرون ەكەنى انىقتالدى. ەسىرتكىنىڭ جالپى سالماعى 21 گرامداي. «مۇنشا ەسىرتكى 100 ادامدى ماس قىلۋعا جەتەدى», دەي­دى سولتۇستىك قازاقستان وبلىسى پد ەسىرتكىگە قارسى كۇرەس باس­قارماسىنىڭ باسشىسى, پوليتسيا پودپولكوۆنيگى رۋسلان ساپاروۆ.

سينتەتيكالىق ەسىرتكىلەردىڭ اسەرى ادامنىڭ پسيحيكاسىن بۇزۋعا وسىمدىك تەكتەستەردەن اناعۇرلىم قاتەرلى. قازىر ونى ساتۋ «قارا بازاردى» جاۋلاپ العان.

پوليتسيا قىزمەتكەرلەرى ەسىرتكى تاسىمالداۋشىلاردى تابۋعا قىزمەت­تىك يتتەردىڭ كومەگىن دە پايدالانادى. تاسىمالداۋشىلار ەسىرتكى زات­تا­رىن نەشە ءتۇرلى قۋلىقپەن, تابىل­مايتىنداي ەتىپ وراپ, تىقسا دا, ءيتتىڭ وتكىر ءيىستى سەزۋ قابىلەتى ولاردى ءبارىبىر بۇلتارتپايدى. پوليتسيا كاپيتانى بولات بەكماعامبەتوۆتىڭ قاراماعىنداعى لابرادور تۇقىمدى بەللا اتتى يت جەكە ءۇيدى ءتىنتۋ با­رى­سىندا پوليمەرلى پاكەتتەرگە جاسى­رىلعان وسىمدىك تەكتەس زاتتى قۋىستاردى يىسكەلەپ ءجۇرىپ تاۋىپ, قۇرىلىس قوقىستارى مەن ەسكى تەمىر پەشتىڭ استىنان تىستەلەپ الىپ شىققان. ساراپتاما بۇل زاتتىڭ سالماعى 6 كگ-دان اساتىن ماريحۋانا جانە سالماعى 49 گر بولاتىن گاشيش ەكەنىن انىقتادى.

«بۇگىنگى تاڭدا بىزدە بارلىعى 50 قىزمەتتىك-ىزدەستىرۋ ءيتى قىلمىسقا قارسى كۇرەسۋدە كومەك بەرىپ ءجۇر. ونىڭ 22-ءسى كينولوگيالىق قىز­مەت ورتالىعىندا, قالعاندارى قالالىق باسقارما مەن اۋداندىق پوليتسيا بولىمدەرىندە ۇستالادى. ارقايسىسى «جەكە باعدارلاما» بويىنشا ۇيرەتىلگەن. بيىلعى 9 ايدا قىزمەتتىك-ىزدەستىرۋ يتتەرى 281 قىلمىس, ونىڭ ىشىندە 121 ۇرلىقتى اشۋعا كومەكتەستى», دەيدى پوليتسيا مايورى سامات تولەباەۆ.

وتكەن ايدا ءتارتىپ ساقشىلارى جالدامالى پاتەردە 100 پوليمەرلىك پاكەتكە دوزالاردى ءبولىپ, سالىپ قويعان 25 جاستاعى جىگىتتى ۇستا­دى. ساراپتاما بۇل زاتتىڭ گاشيش ەكە­نىن انىقتادى. تابىلعان «ولجا­نىڭ» سالماعى 2 كيلودان اسادى. «گاشيشتىڭ اسا ۇلكەن كولەمى 200 گرامنان باستالادى. ال مىنا جاع­دايدا ۇستالۋشىعا سوت 15 جىلعا دەيىن باس ەركىنەن ايىرۋ جازاسىن بەرۋى مۇمكىن», دەيدى پوليتسيا پود­پول­كوۆنيگى ر.ساپاروۆ.

قاراشا ايىنا دەيىنگى دەرەكتەر بويىنشا سولتۇستىك قازاقستان پوليتسەيلەرى بيىل بارلىعى 730 كگ ەسىرتكى تۇرلەرىن تاركىلەدى. ونىڭ ىشىندە 708 كيلوسى – ماريحۋانا جانە كەپتىرىلمەگەن قاراسورا. ال گاشيشتىڭ كولەمى 20 كيلودان اسقان. سينتەتيكالىق پسيحوتروپتى زات­تاردىڭ سالماعى 2,2 كگ بولعان.

پەتروپاۆل