استانادا جانتۇرشىگەرلىك جول-كولىك وقيعاسى بولعانى بەلگىلى. 20 جاستاعى ماس جۇرگىزۋشى قىز 42 جاستاعى ايەلدى قاعىپ, ءۇش كولىككە سوقتىعىسقان ەدى. مارقۇم ايەلدىڭ ءتورت بالاسى بولعان, دەپ حابارلايدى Egemen.kz.
ەندى كوز جۇمعان ايەلدىڭ كۇيەۋى جۇرگىزۋشىنىڭ قاتاڭ جازالانعانىن تالاپ ەتىپ وتىر. ويتكەنى, قىز كولىكتى ماس كۇيىندە تىزگىندەگەن. قازىر ول ۋاقىتشا ۇستاۋ يزولياتورىنا قامالىپ, قىلمىستىق ءىس قوزعالدى. سوت كىنالى دەپ تاپسا, بەس جىلعا دەيىن باس بوستاندىعىنان ايىرىلۋى مۇمكىن.
ەربول جۇماباەۆ جارىنىڭ قازاسى جايلى ءتارتىپ ساقشىلارىنان ەستىگەن.
"ىشىمدىككە سىلقيا تويىپ الىپ ايەلىمدى قاعىپ ولتىرگەن قىز ءوزىنىڭ عانا ەمەس, ءبىزدىڭ ءومىرىمىزدى دە ويران ەتتى. ءتورت بالامدى اناسىز قالدىردى. قازىر كەنجەمىز ءتورت جاستا, ول ءالى تۇسىنبەيدى, اناسىن كۇتىپ ءجۇر. جۇرەگىم جىلاپ, ءوزىمدى قويارعا جەر تاپپادىم. ول قىز ايەلىمدى قاعىپ كەتىپ, شىعا سالا ءوز كولىگىنە قارادى, سودان كەيىن ايەلىمدى كورىپ, ونى كوتەرىپ, قايتا تاستاي سالدى. قاشىپ كەتكىسى دە كەلدى. ودان سوڭ كولىكتەگى زاتتارىنا بولا قايتىپ كەپ, جايباراقات اۋلادان شىعىپ, تاكسي شاقىرىپ كەتىپ قالدى", دەگەن قارا جامىلعان وتاعاسى.