ايگىلى كاريچ قورى سىيلىعىن الدى

سەربيادا 1979 جىلى ەلدىڭ عىلىمي-تەحنولوگيالىق, شىعارماشىلىق الەۋەتىن قولداۋ جانە ىلگەرىلەتۋ, جۇرت­­­شىلىقتى الەمدىك مادەنيەتتىڭ جە­تىستىكتەرىمەن تانىستىرۋ ينستيتۋتى رەتىندە قۇرىلعان قور وسىمەن 26-رەت كورنەكتى شەتەلدىك تۇلعالارعا سىيلىق تابىس ەتتى.

اعايىندى كاريچ قورى سىيلى­عىنا الەمگە ايگىلى عىلىم, جۋر­نا­ليس­تيكا, ەكونوميكا, مادەنيەت جانە ونەر قايراتكەرلەرى يە بولعان. ءار جىلدارى فيزيكا بويىنشا نوبەل سىيلىعىنىڭ لاۋرەاتى ج.الفەروۆ, ادەبيەت بويىن­شا نوبەل سىيلىعىنىڭ لاۋرەاتى پ.حاندكە, كينورەجيسسەر ە.كۋستۋريتسا, تەننيسشى ن.دجوكوۆيچ, اكتەر س.سيگال وسى ماراپاتتى العان.

بيىل سىيلىققا ۇسىنىلعان ەرەك­شە تۇلعالار اراسىندا دارىندى ءانشى ديماش قۇدايبەرگەن دە اتال­عان سىيلىققا يە بولدى. قور ديرەكتورلار كەڭەسىنىڭ پىكىرىنشە, ديماشتىڭ ايرىقشا ۆوكالدىق ونەرى, ونىڭ كلاسسيكالىق جانە زاماناۋي ستيلدە ورىنداۋ قابىلەتى, كەز كەلگەن نوتانى ورىنداۋ مۇمكىندىكتەرى ءانشىنى ءوز ءىسىنىڭ شەبەرى رەتىندە تانۋعا مۇمكىندىك بەرەدى.ء«بىزدىڭ ديرەكتورلار كەڭەسى ديماش قۇدايبەرگەننىڭ وسى جولداعى تالانتتاردىڭ التىن سەرياسىنىڭ جالعاسى بولۋعا لايىق ەكەندىگىمەن ءبىراۋىزدان كەلىسەدى. بۇل ءبىزدىڭ ەلدەرىمىز اراسىنداعى قارىم-قاتىناستى نىعايتادى», دەپ اتاپ ءوتتى قازاقستاننىڭ سەربياداعى قۇرمەتتى كونسۋلى, اعايىندى كاريچ قورىنىڭ نەگىزىن قالاۋشى ميلانكا كاريچ.

ماراپاتتاۋ ءراسىمى سەرب مادەنيەتى مەن ءداستۇرىن ايقىندايتىن مادەني مۇرا – بەلگرادتاعى ۇلتتىق تەاتردا ءوتتى.ۇلتتىق تەاتر ساحناسىندا ديماش قازاقتىڭ حالىق ءانى «سامالتاۋ» جانە يگور كرۋتويدىڭ «Mademoiselle Hyde» اندەرىن شىرقادى.

ديماش قوردىڭ قۇرىلتايشىلارى مەن ديرەكتورلار كەڭەسىنە ماراپاتقا لايىق دەپ تانىعانى ءۇشىن العىسىن ءبىلدىردى, ونەر سالاسىنداعى حالىق­ارالىق جوبالاردىڭ ەلدەر اراسىنداعى دوستىق پەن ءوزارا دامۋدى قولداۋ مۇم­كىندىكتەرى رەتىندەگى ماڭىزدى ءرولىن اتاپ ءوتتى.