شىعىس قازاقستان وبلىسىندا گاراجدار ءۇي-جايىندا 2 ءورت ءبىر تاۋلىك ىشىندە ريددەر جانە وسكەمەن قالالارىندا بولدى, دەپ جازادى Egemen.kz.
سوۆەتسكايا كوشەسىندە (ريددەر) تۇنگى ساعات 2-لەر مۇعدارىندا ءورت شىعىپ, گاراجى بار تۇرعىن ءۇي اۋلاسىندا قوقىس پەن ءاۆتوموبيلدىڭ قوسالقى بولشەكتەرى جانە شينالارى جانىپ كەتكەن. ءورت سوندىرۋشىلەر اۋماعى 10 شارشى مەتردى قۇراعان الاۋدى ءسوندىردى. الدىن الا بولجام بويىنشا ءورتتىڭ بولۋ سەبەبى – ەلەكتر جابدىقتارىن پايدالانۋ كەزىندە ءورت قاۋىپسىزدىگىنىڭ ەرەجەلەرىن ساقتاماۋ.
يندۋستريالنايا كوشەسىندە (وسكەمەن) تاڭەرتەڭگىلىك ۋاقىتتا جەكە تۇرعان گاراجدىڭ ىشكى قاپتاماسى جانىپ, ءورت ءىشىنارا «Chevrolet Nexia» اۆتوكولىگى ىشىنە تاراعان. شقو تجد ءورت ءسوندىرۋ قىزمەتكەرلەرىنىڭ جەدەل ءىس-قيمىلى ناتيجەسىندە اۆتوكولىك قۇتقارىلىپ, گاراجدان شىعارىلدى. 4 شارشى مەتر اۋماقتى قامتىعان الاۋ ءسوندىرىلدى. بولجام بويىنشا, ەلەكتر جەلىسىن ورناتۋ جانە پايدالانۋ كەزىندە قاۋىپسىزدىك ەرەجەلەرىن بۇزۋ سەبەبىنەن ءورت بولعان.