• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
پرەزيدەنت 23 قاراشا, 2023

تاياۋ شىعىستاعى قاقتىعىس جاھاندىق اۋقىمداعى تەكەتىرەستى شيرىقتىرىپ جىبەردى - پرەزيدەنت

160 رەت
كورسەتىلدى

پرەزيدەنت قاسىم-جومارت توقاەۆ  ۇقشۇ ۇجىمدىق قاۋىپسىزدىك كەڭەسىنىڭ شاعىن قۇرامدا وتكەن سەسسياسىنا قاتىستى. سەسسيا بارىسىندا ۇقشۇ-عا مۇشە مەملەكەتتەردىڭ ۇجىمدىق قاۋىپسىزدىگىن قامتاماسىز ەتۋدىڭ وزەكتى اسپەكتىلەرى تالقىلاندى, دەپ حابارلايدى Egemen.kz اقورداعا سىلتەمە جاساپ.  

«ۇيىم قىزمەتىنىڭ باستى باعىتتارى بويىنشا بيىل اتقارىلعان جۇمىستاردىڭ قورىتىندىسى جاسالىپ, الداعى كەزەڭنىڭ جوسپارى ايقىندالدى. بۇدان بولەك, مەملەكەتتەر باسشىلارى جاھاندىق كۇن تارتىبىندەگى ماسەلەلەر جونىندە پىكىر الماستى. قاسىم-جومارت توقاەۆ ءوز سوزىندە بۇگىنگى سەسسيا حالىقارالىق احۋال كۇرت ناشارلاعان وتە قيىن جاعدايدا ءوتىپ جاتقانىنا نازار اۋداردى. ەۋرازيا قۇرلىعىنداعى جانە ۇقشۇ جاۋاپكەرشىلىگىنە كىرەتىن ايماق توڭىرەگىندە كۇردەلى جاعداي قالىپتاسىپ وتىر. مەملەكەت باسشىسىنىڭ پىكىرىنشە, تاياۋ شىعىستاعى وقيعالاردىڭ اۋجايى دا ەرەكشە الاڭداۋشىلىق تۋعىزادى», دەلىنگەن حابارلامادا.  

«قاقتىعىستان بەيبىت حالىق زارداپ شەگىپ وتىر. قانشاما جازىقسىز ادام, بالالار قازا تاپتى. مۇندايعا بەي-جاي قاراۋ مۇمكىن ەمەس. قازاقستان گازا تۇرعىندارىنا ءبىر ميلليون دوللار كولەمىندە گۋمانيتارلىق كومەك كورسەتتى. قارجى بۇۇ قۇرىلىمى – UNRWA/باپور ۇيىمى ارقىلى جىبەرىلدى. قاقتىعىس كەزىندە بۇل ۇيىمنىڭ قىزمەتكەرلەرى وتە كوپ شىعىنعا ۇشىراعانىنا قاراماستان, جۇمىسىن ەرلىكپەن جالعاستىرىپ جاتىر. تاياۋ شىعىستاعى قاقتىعىس, شىن مانىندە, جاھاندىق اۋقىمداعى اقپاراتتىق-يدەولوگيالىق تەكەتىرەستى ابدەن شيرىقتىرىپ جىبەردى. گازا سەكتورى توڭىرەگىندە بولىپ جاتقان وقيعالار الەمدىك قوعامداستىقتى ەكىگە جاردى. سوعىس ءورتى بارلىق ەل مەن كونتينەنتتى شارپىماي تۇرعاندا توقتاعانى ءجون», دەدى پرەزيدەنت.

 

سوڭعى جاڭالىقتار