2024 جىلدىڭ 1 قاڭتارىنان باستاپ سۋ شارۋاشىلىعى قىزمەتكەرلەرىنىڭ جالاقىسى ورتا ەسەپپەن 25% وسەدى, دەپ حابارلايدى Egemen.kz سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
سونىمەن قاتار قازاقستاننىڭ ءار ايماعىندا سۋ رەسۋرستارىن بولۋمەن جانە ولاردىڭ پايدالانىلۋىن باقىلاۋمەن اينالىساتىن باسقارمالار پايدا بولادى.
«سۋ سالاسىندا جۇمىستى تارتىمدى ەتۋ قاجەت, جالاقىنى ارتتىرۋ وسى باعىتتاعى قادامداردىڭ ءبىرى بولىپ سانالادى. ارينە, بار كادرلاردى ساقتاپ قالۋ عانا ەمەس, زامان تالابىنا ساي جاڭا كادرلاردى دايىنداۋ ماڭىزدى. مينيسترلىك ءتيىستى ۇسىنىس ەنگىزۋ بويىنشا جۇمىس جۇرگىزىپ جاتىر», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.