ۇكىمەت «2024-2026 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىندا 2024 جىلعا ارنالعان جاڭا ەڭ تومەنگى جالاقىنى, زەينەتاقىنى, ايلىق ەسەپتىك كورسەتكىشتەردى جانە قازاقستاندىقتارعا تولەمدەر مەن ءوسىمپۇلداردى ەسەپتەۋگە قاجەتتى باسقا دا كورسەتكىشتەردى بەلگىلەدى, دەپ حابارلايدى Egemen.kz.
قازىر بۇل زاڭ جوباسى ماجىلىستە قابىلدانىپ, سەناتتا قارالىپ جاتىر. ەگەر پارلامەنت زاڭ جوباسىن ماقۇلداپ, پرەزيدەنت قاسىم-جومارت توقاەۆ قول قويسا, 2024 جىلدان باستاپ كەلەسى كورسەتكىشتەر بەلگىلەنەدى.
ەڭ تومەنگى جالاقى 85 مىڭ تەڭگە بولادى, ياعني 15 مىڭ تەڭگەگە وسەدى. بۇل جۇمىس بەرۋشىلەر جۇمىسشىلارعا ەڭ تومەنگى جالاقىدان تومەن ەمەس دەڭگەيدە جالاقى بەرۋگە مىندەتتى دەگەندى بىلدىرەدى.
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 28 215 تەڭگەنى قۇرايتىن بولادى ء(وسىم 3 874 تەڭگە).
بىرلەسكەن زەينەتاقىنىڭ ەڭ تومەنگى مولشەرى – 57 853 تەڭگە (4777 تەڭگەگە ءوسۋ).
ايلىق ەسەپتىك كورسەتكىش 3692 تەڭگە, ياعني 242 تەڭگەگە وسەدى.
بۇل ەلىمىزدە زەينەتاقى, جاردەماقى, الەۋمەتتىك تولەمدەر مولشەرى وسەدى دەگەن ءسوز. سونىمەن قاتار ايىپپۇلدار, سالىقتار جانە باسقا دا تولەمدەر, سونداي-اق بىرلەسكەن قىزمەت تۋرالى كەلىسىمدەر بويىنشا ەسەپ ايىرىسۋلار دا وسەدى.
ماسەلەن, بالا تۋىلعاندا بەرىلەتىن جاردەماقى مولشەرى (1,2 جانە 3 بالا ءۇشىن) – 38 اەك. 2023 جىلى 131 100 تەڭگە بولسا, 2024 جىلدىڭ 1 قاڭتارىنان باستاپ 140 296 تەڭگە بولادى. ءتورتىنشى جانە ودان دا كوپ بالاعا – 63 اەك. 2023 جىلى 217 350 تەڭگە بولسا, 2024 جىلدىڭ 1 قاڭتارىنان باستاپ 232 596 تەڭگە بولادى.
كولىكتىڭ جىلدامدىعىن ساعاتىنا 10-20 شاقىرىمعا اسىرعانى ءۇشىن ايىپپۇل 5 اەك قۇرايدى. 2023 جىلى 17 250 تەڭگە بولسا, كەلەسى جىلى 18 460 تەڭگە بولادى.
بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ءومىر ءسۇرۋ مينيمۋمى 43 407 تەڭگەنى ء(وسىم 2 840 تەڭگە) قۇرايدى. ءومىر ءسۇرۋ قۇنى مەملەكەتتىك الەۋمەتتىك جاردەماقىلاردىڭ مولشەرىنە دە اسەر ەتەدى.
سونداي-اق 2024 جىلعا ارنالعان رەسپۋبليكالىق بيۋدجەتتە ۇكىمەت مۇناي باعاسىن ءبىر باررەل ءۇشىن 80 دوللار, ال دوللار قۇنىن 460 تەڭگە دەپ بەلگىلەگەنىن اتاپ وتەمىز.