اقتوبە وبلىسىنا قاراستى حرومتاۋ قالاسىنىڭ №3 ورتا مەكتەپتىڭ التىنشى سىنىپ وقۋشىسى جومارت ازامات ۇلى ويلاپ تاپقان قۇرىلعىسى ارقىلى تاۋكە حاننىڭ پورترەتىن سويلەتتى, دەپ حابارلايدى Egemen.kz.
پورترەتتىڭ ەرەكشەلىگى − تاۋكە حان كەزەڭىندە قازاق حاندىعىندا قابىلدانعان «جەتى جارعى» زاڭىن بايانداپ, اڭگىمەلەيدى.
وقۋ-اعارتۋ ۆەدومستۆوسىنىڭ ءباسپاسوز قىزمەتى ءمالىم ەتكەندەي, وقۋشى پورترەتتى جاساۋدا ءتۇرلى قاجەتتى تەحنيكالىق قۇرالدار مەن اۋديوتاسپالاردى پايدالانعان, ازىرلەۋگە ءبىر جىل ۋاقىتى كەتكەن. پورترەت mp3-قۇرىلعىسىمەن, سەنسورلى ءوشىرۋ تۇيمەلەرىمەن جانە 12 ۆ قۋات كوزىمەن جابدىقتالعان.
جاس ونەرتاپقىش الداعى ۋاقىتتا اقىن-جازۋشىلاردىڭ جانە وزگە دە تاريحي تۇلعالاردىڭ پورترەتتەرىن سويلەتۋ ارقىلى وسكەلەڭ ۇرپاققا حالىق تاريحىن كەڭىنەن ناسيحاتتاۋدى جوسپارلاپ وتىر.