مايشۇقىر مەكتەبىنىڭ مەرەيى

شاعىن اۋىل ءۇشىن اق تۇيەنىڭ قارنى جارىلعان قۋانىشتى وقيعا بولدى. بالالارىنىڭ بولا­شاعىنا الاڭداپ, زامان تالابىنا ساي ءبىلىم الۋىنىڭ جاي-كۇيىنە ەلەڭدەپ وتىرعان اتا-انالاردىڭ كوڭىلى كونشىگەندەي. ورتا مەكتەپ وقۋشىلارى ءبىلىم پلاتفورمالارىنا, ەلى­مىزدىڭ جانە الەمنىڭ ۇزدىك پەدا­گوگ­تەرىنىڭ ساباقتارىنا ەركىن قول جەت­كىزەتىن بولادى. ەندىگى ارادا الدارىنان بولاشاقتىڭ سارا جولى اشىل­عالى تۇر.

«مەكتەپتىڭ يننوۆاتسيالىق وقۋ ۇدەرىستەرىن جان-جاقتى قام­تۋعا مۇمكىندىك تۋىپ وتىر, – دەيدى اۋىل مەكتەبىنىڭ ديرەكتورى ءجۇسىپ ماحمەتوۆ, – وقۋ ۇدەرىسىندە تسيفرلىق ءبىلىم بەرۋ رەسۋرستارىن كەدەرگىسىز پايدالانا الامىز».

كومپانيا الداعى ۋاقىتتا اۋىل مەكتەپتەرىنىڭ احۋالىن جاقسارتىپ, مۇمكىندىك كە­ڭىستىگىن قالا مەكتەپتەرىنىڭ كوك­جيەگىمەن تەڭەستىرمەك. بۇ­رىن ارمان بولىپ كەلگەن بۇل ماسەلە اقيقاتقا اي­نالاتىن­داي.

ء«بىز ينتەرنەت جىلدامدىعىن سەكۋندىنا 20 مبيت-تەن ارتىق قامتاماسىز ەتۋدىڭ تەحنيكالىق مۇمكىندىگى جوق مەكتەپتەردىڭ ءتىزىمىن پىسىقتاپ, كەلىسىپ الدىق. ولاردىڭ بارلىعى Starlink جوباسىنا ەنگىزىلگەن. مۇنداي مۇم­كىندىككە قول جەتكىزۋ مەكتەپ مۇعا­لىمدەرى مەن وقۋشىلارىنا ءبىر مەزگىلدە «كۇندەلىك» جۇيە­سىندە, «Bilim land» ءبىلىم بەرۋ پلات­فورماسىندا, «نوبد» ين­تەر­نەت رەسۋرسىندا جۇمىس ىستەۋگە مول مۇمكىندىك بە­رەدى. بۇل جەتىستىك الدىمەن قالا مەن اۋىل مەكتەپتەرىنىڭ ارا­سىن­داعى الشاقتىقتى قىس­قارتىپ, اۋىل مۇعا­لىمدەرىنىڭ ءتۇرلى ونلاين جاريالانىمدارعا قاتىسۋىنا جول اشادى», دەيدى اقمولا وڭىر­لىك ءبىلىم بەرۋدەگى جاڭا تەحنولوگيالار ورتالىعىنىڭ ديرەكتورى باعدات قادىروۆ.

ءسوز اراسىندا 2024 جىلى وسى جوبا اياسىندا وبلىستىڭ 32 مىڭنان استام وقۋشىسى وقي­تىن 270 مەكتەپ جوعارى جىل­دامدىقتى ينتەرنەت جەلىسىمەن قامتاماسىز ەتىلەتىنىن ايتا كە­تۋىمىز كەرەك. وسىنداي شىنايى قام­قورلىق جاسالىپ جاتسا, اۋىل تۇر­عىن­دارىنىڭ بالا­لارى­نىڭ بولاشاعىن ويلاپ ۇدەرە كوشۋىنە دە ءبىر توقتام بولار ەدى.

اقمولا وبلىسى,

قورعالجىن اۋدانى