كوپ جىلدان بەرى قاراۋسىز قالىپ, ابدەن توزىعى جەتكەن بۇرىنعى فوسفورشىلار مادەنيەت ءۇيى ەندى جاستار سارايى رەتىندە حالىققا قىزمەت ەتەدى. قۋانىشتى حاباردى شىمكەنت قالاسىنىڭ اكىمى عابيت سىزدىقبەكوۆ الەۋمەتتىك جەلىدەگى جەكە پاراقشاسىندا جاريالادى.
شاھار باسشىسىنىڭ ايتۋىنشا, جەرگىلىكتى اكىمدىك قالالىق پروكۋراتۋرامەن بىرگە, سونداي-اق مەملەكەتتىك م ۇلىك جانە جەكەشەلەندىرۋ دەپارتامەنتىنىڭ كومەگىمەن مادەنيەت ءۇيىن مەگاپوليستىڭ كوممۋنالدىق مەنشىگىنە قايتارۋ جونىندە ارنايى جوسپار دايىنداعان. ءسويتىپ, بيىل 13 قاراشادا فوسفورشىلار مادەنيەت ءۇيىن كوممۋنالدىق مەنشىككە قايتارۋ بويىنشا كەلىسىمگە قول جەتكىزگەن.
سونىمەن ەسكى مادەنيەت ءۇيى كەشەندى جاستار سارايىنا اينالادى. الداعى ۋاقىتتا عيمارات باستان-اياق كۇردەلى جوندەۋدەن ءوتىپ, اينالاسى اباتتاندىرىلىپ, مەگاپوليستە تاعى ءبىر جاستارعا ارنالعان مادەنيەت وشاعى بوي كوتەرەتىن بولادى.
ءوز كەزەگىندە فوسفورشىلار سارايى قالانىڭ ەڭ كورىكتى نىساندارىنىڭ بىرىنە اينالاتىنىنا جانە حالىق يگىلىگىنە قىزمەت ەتەتىنىنە سەنىمدىمىن», دەدى شاھار باسشىسى الەۋمەتتىك جەلىدە جازعان جازباسىندا.
جالپى, بىرنەشە جىل قاراۋسىز قالعان, مەگاپوليستىڭ شەشىم كۇتكەن باستى ماسەلەسىنىڭ ءبىرى بولعان فوسفورشىلار مادەنيەت ءۇيى بۇگىنگە دەيىن «دارحان گرۋپپ» سەرىكتەستىگىنىڭ مەنشىگىندە بولىپ كەلدى.
شىمكەنت