قازاقستان ۇلتتىق بانكى قازاقستان قارجىگەرلەرىنىڭ XI كونگرەسىندە ۇلتتىق ۆاليۋتا بانكنوتالارىنىڭ جاڭا سەرياسىن تانىستىردى. ول «ساق ءستيلى» ەلەمەنتتەرىنە نەگىزدەلگەن جانە كوشپەندىلەردىڭ بىرەگەي مادەنيەتىنەن باستاپ بۇگىنگى قازاقستانعا دەيىنگى ەل مۇراسىن بەينەلەيدى, دەپ جازادى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
جاڭا بانكنوتالار سەرياسى دايىن بولعان كەزدە اينالىمعا ەنەدى. نومينالى 5 000 تەڭگەلىك جاڭا ديزاين ۇلگىسىندەگى العاشقى بانكنوتالار وسى جىلدىڭ سوڭىنا دەيىن قولدانىسقا شىعادى.
حالىقارالىق تاجىريبەگە ساي بانكنوتالاردىڭ ديزاينى جالعان اقشا جاساۋعا جول بەرمەۋ جانە ونىڭ الدىن الۋ ءۇشىن جەتىلدىرىلگەن قورعانىش قابىلەتىن ەنگىزۋ ماقساتىندا كەزەڭ-كەزەڭىمەن جاڭارتىلىپ وتىرادى.
جاڭا بانكنوتالار تولەمنىڭ بارلىق ءتۇرى بويىنشا قازاقستان رەسپۋبليكاسىنىڭ بۇكىل اۋماعىندا نومينالدى قۇنىنا قاراي قابىلدانادى. سونداي-اق قازاقستان رەسپۋبليكاسىنىڭ بارلىق بانكى ارقىلى بانكتىك شوتتارعا اۋدارۋعا, ايىرباستاۋعا جانە ۇساقتالۋعا مىندەتتى.