شىمكەنت قالاسىندا كاسىپكەرلەردى بوپسالاۋ تاسىلىمەن قورقىتىپ كولىكتەرىن تارتىپ العان كۇدىكتىلەر ۇستالدى, دەپ حابارلايدى Egemen.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
مەگاپوليستىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ارنايى وپەراتسيا جۇرگىزىپ, ەكى كاسىپكەردى قورقىتۋ جولىمەن BMW جانە ۆا3-2114 اۆتوكولىكتەرىن تارتىپ العان. «توپ مۇشەلەرى 20-40 جاس ارالىعىنداعى ازاماتتار. ولاردىڭ باسىم بولىگى بۇرىن سوڭدى بىرنەشە رەت قىلمىستىق جاۋاپكەرشىلىككە تارتىلعان. ۇستالعاندار ۇزاق ۋاقىت بويى جەرگىلىكتى ەكى كاسىپكەردەن قوقان-لوقى كورسەتۋ جانە كۇش قولدانۋ ارقىلى اقشا بوپسالاعانى» جازىلعان اقپاراتتا.
ارنايى وپەراتسيا كەزىندە پوليتسياعا 10 ادام جەتكىزىلىپ, توپتىڭ بەلسەندى مۇشەسى سانالعان 4 كۇدىكتى قاماۋعا الىندى. ولاردىڭ ۇستىنەن قىلمىستىق كودەكستىڭ بىرنەشە بابى بويىنشا سوتقا دەيىنگى تەرگەۋ باستالدى.