داۋگاۆپيلس (لاتۆيا) قالاسىندا قاراشانىڭ 10-12 كۇندەرى ارالىعىندا وتكەن دجيۋ-دجيتسۋدان الەم چەمپيوناتىنا جاھاننىڭ 29 ەلىنەن 600-گە جۋىق سپورتشى قاتىستى, ونىڭ ىشىندە ەلىمىزدىڭ 80 سپورتشىسى بار. جالپىكوماندالىق ەسەپتە قازاقستان قۇراماسى ءبىرىنشى ورىندى جەڭىپ الدى, دەپ جازادى Egemen.kz.
ۆەدومستۆونىڭ ءباسپاسوز قىزمەتىنىڭ مالىمەتىنشە, جاسوسپىرىمدەر اراسىنداعى گراۋند فايت باعدارلاماسى بويىنشا جەرلەستەرىمىز 6 التىن, 5 كۇمىس, 6 قولا جۇلدەگە يە بولسا, ەرەسەكتەر اراسىندا 6 التىن, 4 كۇمىس, 14 قولا مەدال جەڭىپ الدى.
كلوسس كونتاكت بويىنشا وتكەن جەكپە-جەكتەردە جاسوسپىرىمدەر – 6 التىن, 6 كۇمىس, 4 قولا, ەرەسەكتەر – 9 التىن, 8 كۇمىس, 8 قولا ەنشىلەدى.
Cەلف جارىسىندا 2 التىن, 5 قولا مەدال ولجالادى.
ال فۋلل كونتاكت باعدارلاماسىندا جاسوسپىرىمدەر – 6 التىن, 3 كۇمىس, 4 قولا, ەرەسەكتەر – 11 التىن, 9 كۇمىس, 4 قولا جۇلدەگە قول جەتكىزدى.
ۆەدومستۆوعا قاراستى سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ جالپىكوماندالىق ەسەپتە ءبىرىنشى ورىندى جەڭىپ العان قازاقستان قۇراماسى سپورتشىلارى مەن جاتتىقتىرۋشىلار شتابىن قۇتتىقتادى.