كەنشىلەر مەن مەتاللۋرگتەر تاراپىنان «ارسەلورميتتال» كەتكەننەن كەيىن كەيبىر شاحتالار جابىلادى دەگەن قاۋەسەت تارادى. قاراعاندى وبلىسىنىڭ اكىمى ەرماعانبەت بولەكپاەۆ وڭىرلىك كوممۋنيكاتسيا قىزمەتىنىڭ الاڭىندا وتكەن بريفينگىدە جۇمىسشىلاردىڭ بۇل بولجامىن جوققا شىعاردى, دەپ حابارلايدى Egemen.kz قازاقپاراتقا سىلتەمە جاساپ.
«بارلىق 8 شاحتا جۇمىس ىستەيتىن بولادى. بۇگىنگى تاڭدا 4 شاحتا تولىق كولەمدە جۇمىس ىستەپ جاتىر. قالعاندارى ءارتۇرلى سەبەپتەرگە بايلانىستى توقتاپ تۇر. دايىندىق جۇمىستارى جۇرگىزىلۋدە, «قازاقستان» شاحتاسىندا ءالى دە جۇمىس ءجۇرىپ جاتىر. كوستەنكو شاحتاسىندا تەرگەۋ اياقتالعان جوق. مامانداردىڭ باعالاۋى بويىنشا, بۇل شاحتانىڭ جۇمىسىن قالپىنا كەلتىرۋ ءۇشىن تاعى 2,5 اي قاجەت. شاحتالاردىڭ جابىلاتىنى تۋرالى ءسوز بولعان ەمەس. ول تۋرالى ناقتى ايتا الامىن», دەدى وبلىس اكىمى.
ايتۋىنشا, كومپانيانىڭ جاڭا باسشىلارىنىڭ الدىنا وندىرىستەگى قاۋىپسىزدىكتى قامتاماسىز ەتۋگە قوماقتى قاراجات سالۋ جونىندە شارتتار قويىلماق. بۇل مەملەكەت تاراپىنان قويىلاتىن باستى تالاپتاردىڭ ءبىرى بولادى.