الەمدى تۇسىنىستىك قۇتقارادى

«ازيا-تىنىق مۇحيتى ايماعىنداعى قاۋىپسىزدىك ارحيتەكتۋراسى: بۇگىنى مەن بولاشاعى» فورۋمىنىڭ پلەنارلىق وتىرىسىندا سويلەگەن سوزىندە باس حاتشى گەوساياسي ءبولىنۋ مەن الەمگە تۇسكەن سىزات جاعدايىندا كوپ­جاقتىلىق پەن تۇسىنىستىك بەي­بىتشىلىك پەن تۇراقتىلىقتى قامتاماسىز ەتۋدىڭ بىردەن-ءبىر ىقتيمال ءتاسىلى ەكەنىن اتاپ ءوتتى.

«اوسشك-گە مۇشە-مەم­لەكەتتەرىنىڭ باستى ماقساتى – بۇۇ جارعىسىنىڭ قاعي­داتتارى مەن حالىقارالىق قۇقىق ەرەجە­لەرى, اشىقتىق پەن ءوزارا سەنىم نەگىزىندە ازيادا قاۋىپسىزدىك پەن ىنتىماقتاستىق ارحيتەكتۋراسىن قۇرۋ. شەشىمدەر مەن شارالاردى تەك كونسەنسۋس ارقىلى قابىلداۋعا باسىمدىق بەرەدى», دەدى ق.سارىباي.

سونداي-اق اوسشك «قاراپا­يىم­نان كۇردەلى» قاعيداتى بويىنشا جۇمىس ىستەيتى­نىن اتاپ ءوتتى. ياعني الدىمەن سە­نىم ورناتۋ, سودان كەيىن وسى نەگىزدە ءوزارا قاۋىپسىزدىكتى ارت­تىرۋعا اكەلەتىن تو­لىق­قاندى ىنتىماقتاستىق قۇرادى. «بۇل – ءوز كەزەگىندە تۇراقتى دامۋدىڭ العى­شارتى. سەنىم شارالارى­نا نەگىزدەلگەن شىنايى كوپجاقتى­لىقتى نىعايتۋ عانا زاماننىڭ سىن-قاتەر­لەرىنە لايىق جاۋاپ بەرىپ, باسەكەلەستىكتەن ىنتىماق­تاستىققا وتۋگە جول اشادى», دەدى ق.سارىباي.

قىتاي اسكەري عىلىمدار قاۋىمداس­تىعى مەن قىتاي حالىق­ارالىق ستراتە­گيا­لىق زەرت­تەۋ­لەر ينستيتۋتى ۇيىم­داس­­تىرعان فورۋمعا الەمنىڭ 19 ەلى­نەن قورعانىس مينيسترلەرى, حالىق­ارالىق ۇيىمداردان كەل­گەن 99 رەسمي دەلەگاتسيا, دۇنيە جۇ­زىندەگى عىلىمي مەكە­مەلەر مەن ساراپتامالىق ورتا­لىقتاردىڭ زەرت­تەۋشىلەرى مەن ساراپشىلارى قاتىس­تى. فورۋم «ورتاق قاۋىپسىزدىك, بايان­دى بەيبىتشىلىك» ۇرانىمەن ءوتتى. ونىڭ تاقىرىبى ازيا-تىنىق مۇ­حيتى ايما­عىن­دا تۇراقتى قاۋىپ­سىزدىك ارحيتەكتۋراسىن قالىپ­تاستىرۋعا ارنالدى.

سيانشان فورۋمى اياسىندا اوسشك باس حاتشىسى شىۇ باس حاتشىسى چجان مين مىرزامەن, اسەان باس حاتشىسى دوكتور كاو كيم حۋرنمەن, قحر ۇكىمەتى­نىڭ ەۋرازيا ىستەرى جونىندەگى ارنايى وكىلى لي حۋەيمەن, قحر ورتالىق اسكەري كوميسسياسىنىڭ بىرىك­كەن شتابىنىڭ باستىعى تسزين تسزيان­فەنمەن, قىتايدىڭ ەۋرو­پا جانە ازياداعى حالىق­ار­ا­لىق باي­لانىستار توبى ورتا­لىعى­نىڭ پرە­زي­­دەنتى تسزيان يۋنگان­مەن كەزدەستى. كەلىس­سوز­دەر كەزىن­دە ىنتىماقتاستىقتىڭ وزەكتى ماسەلەلەرى تالقىلاندى.