2023 جىلعى 5 قاراشا كۇنى العاش رەت اۋداندار مەن وبلىستىق ماڭىزى بار قالالاردىڭ اكىمدەرىن سايلاۋ ءوتتى. وسى تۇستا ورتالىق سايلاۋ كوميسسياسى ناۋقان قورىتىندىلارىن ۇسىندى, دەپ حابارلايدى Egemen.kz.
وكىلەتتىكتەرگە سايكەس وبلىستاردىڭ ءماسليحاتتارى سايلاۋ وتكىزۋ ءۇشىن 42 اۋدان مەن 3 وبلىستىق ماڭىزى بار قالانىڭ تىزبەسىن بەكىتكەن ەدى. بارلىعى 1553 سايلاۋ كوميسسيالارى جۇمىلدىرىلدى.
«سايلاۋ بيۋللەتەندەرىنە 125 كانديدات ەنگىزىلدى. سايلاۋشىلاردىڭ كەلۋى - 62,79 پايىزدى قۇرادى. سايلانعان اكىمدەردىڭ ورتاشا جاسى 46,7 جاستى قۇرايدى. سايلاۋ ناۋقانى رەسپۋبليكانىڭ سايلاۋ زاڭناماسى نورمالارىنىڭ تالاپتارىنا سايكەس ءوتتى. سايلاۋ پروتسەسىن باقىلاۋدى 8500-گە جۋىق كانديداتتاردىڭ سەنىم بىلدىرىلگەن ادامدارى, بايقاۋشىلارى مەن باق وكىلدەرى جۇزەگە اسىردى», دەلىنگەن وسك حابارلاماسىندا.