جەكە دەرەكتەرگە تونگەن قاۋىپ

وسى سياقتى وزگە دە زەرتتەۋ­لەرگە كوز جۇگىرتسەك, بەلگيا­دا­عى كەڭسە قىزمەتكەرلەرىنىڭ 57%-ى­ دەرەكتەردى تەكسەرمەي-اق بىر­دەن ChatGPT كومەگىنە سۇيە­نە­دى ەكەن. ۇلىبريتانياداعى رەس­­پوندەنتتەردىڭ باسىم بولى­گى (58%) جۇمىس ۋاقىتىن وڭتاي­لان­دىرۋ ءۇشىن جاساندى ينتەللەكت قۇ­رالدارىنىڭ الەۋەتىن كا­دەگە اسىراتىنىن اشىق ايت­قان. ChatGPT ىزدەۋ-سۇراۋلارىنىڭ جيىلىگى تۋرالى مالىمەتتەر ادام­داردىڭ كۇندەلىكتى ومىردە چات-بوتتى بەلسەندى تۇردە پايدالانا­تىنىن, قاجەت بولعان جاعدايدا جۇمىس تاپسىرمالارى ءۇشىن دە قولداناتىنىن العا تارتقان.

ال قازاقستاندا 2023 جىلعى قىر­كۇيەكتەگى ىزدەۋ سالۋلاردىڭ سا­نى وسى جىلدىڭ قاڭتارىمەن سا­لىستىرعاندا 120%-عا وسكەن. دەمەك ChatGPT تانىمالدىلىعى ءدال وسىنداي قارقىن الىپ جات­قاندا «وعان جەكە مالىمەتتەردى سە­نىپ تاپسىرۋعا بولا ما؟» دەگەن ما­ڭىزدى سۇراق تۋىندايتى­نى زاڭدىلىق. وسى ورايدا «كاس­پەر­سكي زەرتحاناسىنىڭ» زەرت­تەۋشىلەرى بيزنەستەگى مىندەتتەردى ورىنداۋ بارىسىندا چات-بوتتى پاي­دالانۋدىڭ تومەندەگىدەي ءۇش نەگىزگى قاۋپىن بولە-جارا قاراس­تىرىپ وتىر.

ءبىرىنشى – پروۆايدەر تاراپىنان دەرەكتەردىڭ اشىلۋى نەمەسە بۇزىلۋى. LLM نەگىزىندەگى چات-بوتتار ء(ىرى تىلدىك مودەلدەر) ءىرى تەحنولوگيالىق كومپانيالاردىڭ باقىلاۋىندا ەكەنىنە قاراماستان, ولار دەرەكتەردىڭ بۇزىلۋى نەمەسە كەزدەيسوق اشىلۋىنان ساقتاندىرىلماعان. مىسالى 2023 جىلدىڭ ناۋرىزىندا ول اياق استىنان ىستەن شىعىپ, كەيبىر ChatGPT پايدالانۋشىلارى باسقا پايدالانۋشىلاردىڭ حات الماسۋلارىندا تاقىرىپتار مەن العاشقى حابارلامالاردى كورىپ قويعاندىقتان, OpenAI چات-بوت جۇمىسىن ۋاقىتشا توقتاتا تۇرۋعا ءماجبۇر بولادى.

ەكىنشى – زيانكەستى جالعان كوشىرمەلەر. ماسەلەن ChatGPT سياقتى رەسمي قىزمەتتەر كەي­بىر جەردە بۇعاتتالۋى مۇمكىن. مۇن­داي جاعدايدا كۇ­ردەلى ما­سەلەلەر تۋىن­داپ, قولدانۋ­شى­لار بەيرەس­مي بالامالاردى – باعدارلاما­­لار­دى, سايتتار­دى, مەسسەندجەر بوت­تا­رى مەن كليەنت نەمەسە قوسىم­شا ­رە­تىن­دە جاسىرىنعان زياندى ­باع­دار­لامالاردى كەزدەيسوق جۇك­تەپ الادى.

ءۇشىنشى – اككاۋنتتى بۇزۋ. وعان قوسا زيانكەستەر فيشينگ كومەگىمەن قىزمەتكەرلەردىڭ ەسەپ­تىك جازبالارى مەن ولاردىڭ جەكە دەرەكتەرىنە قول جەتكىزە الادى. وسى ورايدا Kaspersky Digital Footprint Intelligence قىزمەتى چات-بوتتارداعى اككاۋنتتارعا كىرۋدى ساتۋ تۋرالى حابارلاندىرۋلاردى داركنەتتەگى فورۋمداردا ۇنەمى انىقتاپ وتىرادى.

الماتى