ءبىرىنشى جۇلدەنى يەلەندى

«اتىراۋ-اقپارات» جشس-دا باسپا ديزاينەرى بولىپ جۇ­مىس ىستەيتىن ن.يششانوۆا ءتۇر­لى كارتينانى ەلەكتروندى قا­لاممەن پلانشەتكە سالادى. بيىلعى قىركۇيەكتە يسپانيادا وتكەن سۋرەتشىلەردىڭ «ۋسى دالي» بايقاۋىنىڭ «Digital Painting» اتالىمىنا ءوز تۋىن­دىسىن جىبەرگەن. «بۇل باي­قاۋعا جاھاننىڭ 60 ەلىنەن 150 سۋرەتشى قاتىستى. مەن 26-35 جاس ارالىعىنداعى ۇمىت­­كەرلەر توبىنا ء«بارى ءبىر ادام­نىڭ باستاماسىنان باستالادى» اتتى سۋرەتىمدى جىبەرگەن ەدىم. قازان ايىنىڭ باسىندا سۋرەتتىڭ تەكسەرىلگەنى, بايقاۋعا قابىلدانعانى تۋرالى حابار الدىم. ال كەشە حالىقارالىق بايقاۋ قورىتىندىسى بو­يىنشا ءبىرىنشى جۇلدەنى يەلەن­گەنىمدى حابارلادى», دەيدى سۋ­رەتشى.

حالىقارالىق بايقاۋدىڭ سالتاناتتى ماراپاتتاۋ ءىس-شا­راسى يسپانيانىڭ كوستو-براۆا كۋرورتتى ايماعىندا الداعى جىلدىڭ ناۋرىز-ءساۋىر ايىندا وتەدى. اتىراۋلىق سۋ­رەتشى اتال­عان ءىس-شاراعا شا­قىرتۋ الدى.

قازىر ونىڭ جەكە قورىندا 50-دەن اسا تاريحي كارتينا بار. تاريحي شىعارمالاردى وقىعاندى, ۇلت زيالىلارى مەن با­تىرلارىنىڭ, الاش ارىس­تا­رىنىڭ ءومىرىن, ەڭبەگىن زەرت­ت­ەگەن­دى ۇناتادى. ەسكە سالا كە­تەلىك, بۇدان بۇرىن اتىراۋلىق ديزاينەر لوندوندا حالىقارالىق بايقاۋدىڭ ءبىرىنشى جۇلدەسىن يەلەنگەندى.

بىلتىر «مۇنار كۇن» كارتيناسى لوندون قالاسىندا وتكەن «التىن تالانتتار ۋاقىتى» حا­لىقارالىق باي­قاۋى­نىڭ ءبىرىن­شى جۇلدەسىن يە­لەندى. بۇل بايقاۋ 2007 جىلدان بەرى تۇراقتى وتەدى.