تازالىق تابالدىرىقتان باستالادى

وبلىس ورتالىعى تالدىقورعان قالا­سىنان باستاپ, بارلىق اۋدان, اۋىل تۇرعىنى سەنبىلىككە اتسالىس­تى. 30 مىڭعا جۋىق ادام كوشە سى­پىرىپ, ءوزىنىڭ سۇيىكتى مەكەندەرىن قو­قىس­تان تازارتتى. ءتىپتى ءىس-شا­راعا وبلىس اكىمى بەيبىت يساباەۆ قاتى­سىپ, تالدىقورعانداعى كوتتەدج قالا­شى­عىنىڭ ماڭىنا اعاش ەكتى.

سەنبىلىككە ەلدى مەكەندەردىڭ بەلسەندى تۇرعىندارى, ەكواكتيۆيستەر, ەرىكتىلەر, مەملەكەتتىك, بيۋدجەتتىك جانە باسقا دا ۇيىمداردىڭ قىزمەتكەرلەرى قاتىستى. ساياباقتاردى, گۇلباقتاردى, سۋ ايدىندارىن, جەكە جانە كوپ پاتەرلى تۇرعىن ۇيلەر­دىڭ ماڭىنداعى اۋماقتارىن, كوشە­لەردى, تروتۋارلار مەن ارىقتاردى تۇر­مىس­تىق قالدىقتاردان, وسىمدىك قو­قىس­تارىنان جانە قۇرعاق شوپتەردەن تازارتتى.

ءوڭىر اكىمىنىڭ ءباسپاسوز قىزمەتىنىڭ مالىمەتىنە سۇيەنسەك, اكتسياعا بارلىعى

27 742 ادام قاتىسىپ, 312 ارنايى تەحنيكا جۇمىلدىرىلعان. سونىڭ ناتيجەسىندە    1 120 كم اۆتوموبيل جولى, 400 كم ارىق جەلىلەرى تازارتىلىپ, 2 002 توننا قوقىس شىعارىلعان جانە 6 456 اعاش كوشەتى, ونىڭ ىشىندە 5 956 جاپىراقتى, 500 قىلقان جاپىراقتى اعاش وتىرعىزعان. ال ءوڭىردىڭ باس شاھارىندا 6 مىڭنان اسا ادام شىعىپ, 38 بىرلىك تەحنيكا تارتىلعان. وسى كۇنى قالا اۋماعىندا 200 ۇيەڭكى اعاشى ەگىلدى.

سەنبىلىك سوڭىندا جۋرناليستەرگە سۇحبات بەرگەن وبلىس اكىمى بەيبىت يساباەۆ:

– بۇگىن بۇكىل وبلىس بويىنشا سەن­بىلىك جاريالاندى. سەبەبى بيىل كۇز ۇزاققا سوزىلىپ, ماڭايدى تازارتۋ شا­رالارىن ءجيى ۇيىمداستىرۋ قاجەتتىگى تۋىندادى. تابيعات-انانىڭ ءوزى تازا­لانىپ تۇرعاندى ۇناتادى. بۇگىن وبلىس بويىنشا مەملەكەتتىك ورگان­داردىڭ, ءتۇرلى سالالارداعى مەكەمە­لەردىڭ قىزمەتكەرلەرى تازالىق ءىس-شارا­سىنا قاتىسىپ جاتىر. ءبىز تالدى­قورعانداعى كوتتەدج قالاشىعىنىڭ ما­ڭىنا بۇعان دەيىن الدىمەن سۋارۋ جۇيەسىن جۇرگىزدىك, بۇگىن سەنبىلىك اياسىندا اعاش ەگىپ جاتىرمىز. بۇدان كەيىن كەسپەتاس توسەپ, ورىندىقتار قويىپ, اباتتاندىرۋ جۇمىسىن جالعاستىرامىز. وسى كوتتەدج قالاشىعىندا بىتپەي تۇرعان ۇيلەردىڭ قۇرىلىسىن كەلەسى جىلى اياقتاپ, قولدانىسقا بەرەمىز دەپ جوسپارلاپ وتىرمىز. جالپى, ءار كو­تەمدە, جاز بەن كۇزدە تۋعان اۋىلىمىز بەن قالامىزدى تازارتىپ وتىرۋعا ارقاي­سىسىمىز دا اتسالىسۋىمىز كەرەك, – دەدى.

جەتىسۋ وبلىسى