ساعات 20.00-دەگى جاعداي بويىنشا 45 كەنشىنىڭ دەنەسى تابىلدى, 1 كەنشىنى ىزدەۋ جالعاسىپ جاتىر. بۇل تۋرالى تجم ءباسپاسوز قىزمەتى حابارلادى, دەپ جازادى Egemen.kz.
جۇمىستار ءبىر-بىرىنەن شامامەن 6 كم قاشىقتىقتا ورنالاسقان ەكى ءوندىرۋ ۋچاسكەسى اۋدانىندا جۇرگىزىلىپ جاتىر. كەنشىلەر ورنالاسۋى مۇمكىن ىقتيمال ۋچاسكەلەرگە تاۋ-كەن قۇتقارۋشىلارىنىڭ ءوتۋىنىڭ بارلىق مۇمكىن جولدارى پىسىقتالىپ جاتىر.اپاتتىڭ بولجامدى ەپيتسەنترىن تەكسەرۋ ءۇشىن تج ءمينيسترى سىرىم ءشارىپحانوۆ شاحتاعا ءتۇستى.
تەكسەرۋ بارىسىندا ءورت پەن جارىلىستىڭ اسەرىنە ۇشىراعان قازبالار قارالدى, وندا:
- شاحتا جابدىعىنىڭ بۇزىلۋى جانە جىلجۋى;- مەتالل-اركالى بەكىتۋ ەلەمەنتتەرىندەگى شاڭ شوگىندىلەرى;- جەلدەتۋ قۇرىلىستارىنىڭ زاقىمدانۋى انىقتالدى.
كوزگە كورىنەتىن جانۋ وشاقتارى جوق, گاز جاعدايى قالىپتى. سونىمەن قاتار سىرىم ءشارىپحانوۆ اپاتتى تەرگەۋ جونىندەگى ۇكىمەتتىك كوميسسيا مۇشەلەرىمەن وتىرىس وتكىزدى. جۇمىستاردى جان-جاقتى قامتاماسىز ەتۋ تج ءمينيسترىنىڭ جەكە باقىلاۋىندا.