قازىرگى ۋاقىتتا 35 ادامنىڭ ءمايىتى تابىلدى, ونىڭ 29-ى جەر استىنان شىعارىلدى, 11 كەنشىنى ىزدەۋ جۇمىستارى جالعاسىپ جاتىر, دەپ حابارلايدى Egemen.kz.
«اپاتتىق-قۇتقارۋ جۇمىستارىنا «كاسىبي اسكەريلەندىرىلگەن اپاتتىق-قۇتقارۋ جۇمىستارى قىزمەتى» جشس رەسپۋبليكالىق ورتالىق شتابى قاراعاندى فيليالىنىڭ 10 تاۋ-كەن-قۇتقارۋ ءبولىمى جۇمىلدىرىلعان», دەپ حابارلادى توتەنشە جاعدايلار مينيسترلىگىنىڭ ءباسپاسوز قىزمەتى.
ەستەرىڭىزگە سالا كەتەيىك, 28 قازان كۇنى ساعات 2.33-تە قاراعاندى وبلىسىنداعى «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا جارىلىس بولدى. اپات كەزىندە شاحتادا 252 ادام بولعان, 205 كەنشى جەر بەتىنە شىعارىلعان.
باس پروكۋراتۋرا كوستەنكو اتىنداعى شاحتاداعى وقيعاعا قاتىستى قىلمىستىق ءىس قوزعادى. كومپانيانىڭ مالىمەتىنشە, شاحاتادا گاز مەتانىنىڭ جارىلىسى بولعان.
وقيعا ورنىنا قازاقستان پرەزيدەنتى قاسىم-جومارت توقاەۆ باردى.
مەملەكەت باسشىسى قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتىپ, ولارعا جان-جاقتى كومەك كورسەتىلەتىنىن مالىمدەدى.