مەملەكەت باسشىسىنىڭ تاپسىرماسى بويىنشا كوميسسيانىڭ شەشىمىمەن ۆاديم باسين «ارسەلورميتتال تەمىرتاۋ» اق باس ديرەكتورىنىڭ مىندەتىن اتقارۋشى بولىپ تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى, دەپ جازادى Egemen.kz.
ۆ. باسين 2022 جىلعى قازان ايىنان باستاپ قاراعاندى وبلىسى اكىمىنىڭ ءبىرىنشى ورىنباسارى بولىپ جۇمىس ىستەيدى. ەڭبەك جولىن مەتاللۋرگيا كومبيناتىندا ەلەكترومونتەر بولىپ باستاعان. ۇلتتىق قۇرىلتاي مۇشەسى, «قازاقستاننىڭ ەڭبەك ەرى» اتاعىنىڭ يەگەرى.
بۇعان دەيىن قاسىم-جومارت توقاەۆ: «باسين ۆاديم بوريسوۆيچ دەگەن ازامات بار. سىزدەر ونى بىلەسىزدەر. ول ءبىر كەزدەرى «ارسەلورميتتالدا» جۇمىس ىستەگەن. وبلىس اكىمىنىڭ ورىنباسارى بولدى. مەن وعان قايتىپ كەلىپ, كاسىپورىندى باسقارۋدى تاپسىرامىن. كاسىپورىننىڭ قازىرگى باسشىلىعىنىڭ قولىنان ەشتەڭە كەلمەيدى», دەگەن ەدى.