مەملەكەت باسشىسى قاسىم-جومارت توقاەۆ اپاتتىڭ ءمان-جايىن انىقتاپ, ءتيىستى شەشىم قابىلداۋ ءۇشىن قاراعاندى وبلىسىنداعى قايعىلى وقيعا ورىن العان جەرگە باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەسكە سالايىق, «ارسەلورميتتال تەمىرتاۋ» اق-عا قاراستى كوستەنكو شاحتاسىنان ورت شىقتى. سوڭعى دەرەكتەر بويىنشا كوستەنكو اتىنداعى شاحتادا قازا تاپقاندار سانى 21-گە جەتتى. پرەزيدەنت ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى. باس پروكۋراتۋرا اتالعان ىسكە قاتىستى سوتقا دەيىنگى تەرگەپ-تەكسەرۋدى باستادى. مەملەكەت باسشىسىنىڭ تاپسىرماسىنا سايكەس پرەمەر-مينيستر ءاليحان سمايىلوۆتىڭ توراعالىعىمەن قاراعاندى وبلىسىندا «ارسەلورميتتال تەمىرتاۋ» اق-نىڭ كوستەنكو اتىنداعى شاحتاسىندا ورىن العان اپاتتىڭ سەبەپتەرىن تەرگەۋ جانە ونىڭ سالدارىن جويۋ جونىندەگى ۇكىمەتتىك كوميسسيا قۇرىلدى.