مەملەكەت باسشىسى قاراعاندى وبلىسىندا كەنشىلەردىڭ قازا تابۋىنا بايلانىستى كوڭىل ايتتى. بۇل تۋرالى اقوردانىڭ ءباسپاسوز قىزمەتى تەلەگرام ارناسىندا حابارلادى, دەپ جازادى Egemen.kz.
قازاقستان پرەزيدەنتى قاسىم-جومارت توقاەۆ قاراعاندى وبلىسىنداعى كوستەنكو اتىنداعى شاحتاداعى ءورت سالدارىنان قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىن تىلەدى.
مەملەكەت باسشىسى ۇكىمەتكە كەنشىلەردىڭ وتباسىلارىنا بارلىق قاجەتتى كومەك كورسەتۋدى تاپسىردى. وقيعانىڭ ءمان-جايىن انىقتاۋ ءۇشىن ۇكىمەتتىك كوميسسيا قۇرىلدى.
ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋ تاپسىرىلدى.
ەسكە سالايىق, بۇعان دەيىن كوستەنكو شاحتاسىندا 11 كەنشىنىڭ قازا بولعانىن حابارلاعان ەدىك.