بۇگىن جامبىل وبلىسىنىڭ قاراتاۋ قالاسىندا قاتتى جەل سوعىپ, 1976 جىلى سالىنعان بەس قاباتتى ءۇيدىڭ شاتىرىن ۇشىرىپ اكەتكەن, دەپ حابارلايدى Egemen.kz.
وقيعا ورنىنان تۇسىرىلگەن بەينەروليك الەۋمەتتىك جەلى قولدانۋشىلارىنىڭ زارەسىن ۇشىردى.
وبلىستىق توتەنشە جاعدايلار دەپارتامەنتى ۇسىنعان اقپاراتقا سايكەس, تاڭەرتەڭ ءۇشىنشى ىقشاماۋداندا ەكپىنى 22 م/س بولاتىن جەلدىڭ سالدارىنان تۇرعىن ءۇيدىڭ 300 شارشى مەتر اۋماقتاعى شاتىرى ۇشىپ كەتتى (جالپى اۋدانى - 3215 ش.م.).
قازا تاپقاندار مەن زارداپ شەككەندەر جوق ەكەنىن ايتا كەتكەن ءجون.