24 قازاننان باستاپ كەيبىر Android سمارتفوندارىندا WhatsApp جۇمىس ىستەمەي قالدى. بۇل تۋرالى مەسسەندجەردىڭ انىقتاما ورتالىعى حابارلادى, دەپ جازادى Egemen.kz.
كومپانيانىڭ حابارلاماسىندا 2023 جىلدىڭ 24 قازانىنان باستاپ تەك Android 5.0 جانە ودان جوعارى نۇسقالارعا قولداۋ كورسەتىلەتىنى ايتىلعان.
سمارتفوندار مەن پلانشەتتەردىڭ 16 مودەلىندە WhatsApp جۇمىسى توقتادى. اتاپ ايتار بولساق, Samsung Galaxy Note 2 (2012), Samsung Galaxy S2 (2011), Samsung Galaxy Nexus (2011), Samsung Galaxy Tab 10.1 (2011), Google Nexus 7 پلانشەتى (2013), HTC One (2013), Motorola Xoom پلانشەتى (2011 Motorola Droid Razr (2011), HTC One M7 (2013), HTC Desire HD (2011), HTC Sensation (2011), LG Optimus 2X (2011), LG Optimus G Pro (2013), Sony Xperia Z (2013), Sony Xperia S2 (2012), Sony Ericsson Xperia Arc3 (2012) تەلەفوندارىندا ەندى مەسسەندجەر قىزمەتى قولجەتىمسىز.
ايتا كەتەيىك, مامىر ايىندا WhatsApp-تا حابارلامالاردى وڭدەۋ مۇمكىندىگى پايدا بولدى. ول ءۇشىن حابارلامانى باسىپ, ۇستاپ تۇرۋ كەرەك. سودان كەيىن اشىلعان تەرەزەدە «وڭدەۋ» دەگەندى تاڭداپ, ءماتىندى اۋىستىرۋعا بولادى.