دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس قازاقستانعا كەلىپ, استانا دەكلاراتسياسىنىڭ بەس جىلدىعىنا جانە العاشقى مەديتسينالىق-سانيتارلىق كومەك تۋرالى الماتى دەكلاراتسياسىنىڭ قابىلدانعانىنا قىرىق بەس جىل تولۋىنا ارنالعان حالىقارالىق كونفەرەنتسياعا قاتىستى, دەپ حابارلايدى Egemen.kz.
قوناق القالى جيىندا سويلەگەن سوزىندە قازاقستان پرەزيدەنتىن جاقىن تارتىپ, قۇدا دەپ اتادى.
«قۇرمەتتى قۇدا, تۋىسقان مىرزا! قازاقستانعا كەلۋ مەن ءۇشىن شىنىمەن دە ۇلكەن مارتەبە. مەن قازاقستاندى ءوز ەلىمدەي كورەمىن», دەدى تەدروس گەبرەيەسۋس سويلەگەن سوزىندە.
ول كەلىنى قازاق ۇلتىنىڭ وكىلى ەكەنىن العا تارتىپ, ءوزىنىڭ ءبىزدىڭ ەلىمىزگە قاتىسى بار ەكەنىن اڭعارتتى.
«كەلىنىم قازاق, سوندىقتان ەكى نەمەرەم دە بەلگىلى ءبىر دارەجەدە قازاق ۇلتىنان. سوندىقتان قازاقستان دا مەنىڭ ءبىر ەلىم, ءوزىمدى قازاقستاننىڭ ءبىر بولىگىمىن دەپ ەسەپتەيمىن», دەدى مارتبەلى قوناق.
ايتا كەتەيىك, ددسۇ باسشىسى - بەلگىلى اقىن, اقىندار ايتىسىن ۇيىمداستىرۋشى ءجۇرسىن ەرماننىڭ قۇداسى.