اتىراۋ مۇناي وڭدەۋ زاۋىتى مۇناي وڭدەۋدى قايتا باستادى. مۇندا جوسپارلى تەكسەرۋدەن سوڭ تەحنولوگيالىق قوندىرعىلاردىڭ ءبىرىنشى كەزەگى ىسكە قوسىلدى, دەپ جازادى Egemen.kz.
كاسىپورىننىڭ قوعاممەن بايلانىس ءبولىمىنىڭ مالىمەتىنشە, 21 قازاندا تەكسەرۋ جۇمىستارىنىڭ ارالىق قورىتىندىسى شىعارىلدى. سوعان سايكەس تەحنولوگيالىق قوندىرعىلاردىڭ ءبىرىنشى كەزەگى قايتا ىسكە قوسىلدى.
«قازىر زاۋىتتىڭ تاۋلىكتىك مۇناي وڭدەۋ كولەمى – 9 500 توننا. مۇناي ونىمدەرى مىناداي كولەمدە شىعىرىلا باستادى. اۆتوبەنزين – تاۋلىگىنە 1 200 توننا, ديزەل وتىنى – تاۋلىگىنە 1 500 توننا. زاۋىتتاعى تەحنولوگيالىق قوندىرعىلاردا جوسپارلى تەكسەرۋ جۇمىستارىنىڭ نەگىزگى بولىگى اياقتالدى. ەنەرگەتيكا مينيسترلىگى بەكىتكەن كەستەگە سايكەس جابدىقتاردى كەزەڭ-كەزەڭىمەن تەحنولوگيالىق رەجيمگە شىعارۋ جوسپارلانىپ وتىر», دەپ حابارلادى قوعاممەن بايلانىس ءبولىمى.
جوسپارلى تەكسەرۋ باستالعاننان بەرى اۋقىمدى جۇمىس اتقارىلعان. بۇل – جابدىقتاردى تازالاۋ, پەشتەر مەن رەاكتورلاردى قاپتاۋ, توزعان جابدىقتار مەن كاتاليزاتورلاردى اۋىستىرۋ, كولوننالىق جابدىقتاردىڭ ىشكى قۇرىلعىلارىن موديفيكاتسيالاۋ. قازىر قىسىممەن جۇمىس ىستەيتىن تۇتىكشەلەردى تەكسەرۋ جالعاسىپ جاتىر.
«زاۋىتتا ەكولوگيالىق زاڭنامانىڭ تالاپتارىنا سايكەس قورشاعان ورتاعا شىعارىلاتىن ەميسسيالاردى انىقتايتىن اۆتوماتتاندىرىلعان جۇيەسىن ورناتۋ جوباسى جۇزەگە اسىرىلۋدا. جوسپارلى تەكسەرۋ كەزىندە تەحنولوگيالىق پەشتەردىڭ مۇرجالارىنا اۆتوماتتاندىرىلعان باقىلاۋ جۇيەسىن مونتاجداۋعا قاجەتتى بارلىق جۇمىس ورىندالدى», دەلىنگەن قوعاممەن بايلانىس ءبولىمى تاراتقان اقپاراتتا.