ساۋد ارابياسىنىڭ باس شاھارى ەر-ريادتا ءوتىپ جاتقان دۇنيەجۇزىلىك جاۋىنگەرلىك ونەر ويىندارىندا قازاق سامبوشىلارى تاعى 2 مەدال جەڭىپ الدى, دەپ حابارلايدى Egemen.kz تۋريزم جانە سپورت مينيسترلىگىنە قاراستى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
ەلامان قويشىباەۆ پەن اسىلجان ورىنباساروۆا (65 كگ) ارالاس كوماندالىق سىندا كۇمىس جۇلدەگەر اتاندى. ولار ازيا مەن تىنىق مۇحيتى ايماعىنان جاساقتالعان ەكىنشى قۇراما ساپىندا كۇش سىناستى. ا.ورىنباساروۆا ەۋروپا-1 قۇراماسىنداعى رەسەي بالۋانى يانا پولياكوۆادان جەڭىلسە, ە.قويشىباەۆ بەلارۋس بالۋانىنان جەكەلەي سىندا كەتكەن ەسەسىن قايتاردى. جالپى ەسەپ: 4-6.
ايتا كەتسەك, V بۇكىلالەمدىك جاۋىنگەرلىك ونەر ويىندارىندا سامبودان سايىستار اياقتالدى. 7 بالۋان الىپ كەلگەن قازاقستان قۇراماسى جەكەلەي سىندا 1 التىن, 1 كۇمىس, 3 قولا, ال ميكستە 2 كۇمىس جۇلدەگە يە بولدى.