تۇمار حانشايىم بەينەسى

ءسان كورسەتىلىمىندە ساق-ماسسا­گەتتەردىڭ اتى اڭىزعا اينالعان حانشايىمى تۇماردىڭ وبرازى ۇلىق­تالدى. حانشايىمنىڭ ەسىمى پارسى پاتشاسى كيردى شايقاستا ويسىراتا جەڭۋمەن تاريحتا قال­عان. تۇمار حانشايىم كوشپەلى تايپالاردىڭ باسىن قۇراپ, جاۋلارىنا لايىقتى تويتارىس بەرىپ, حالقىنىڭ بوستاندىعىن ساقتاعان.

«Bozjyra Fashion Week» كور­سەتىلىمى ارقىلى تاريحتا وشپەس ءىز قال­دىرعان تۇركى الەمىنىڭ ناعىز باتىرلارى تۋرالى ايتقىمىز كەلە­دى. بۇل باتىرلار بۇكىل حالىقتى دوستىقپەن, بوستاندىق رۋحىمەن, ءبىر-بىرىنە جانە تۇركى مۇراسىنا ماحابباتپەن بىرىكتىرە بىلگەن تۇلعالار. بۇل ماۋسىمدا ەلىمىزدىڭ جانە شەت­ەل­دىك ديزاينەرلەر قاتىساتىن ۇلكەن Fashion Show وتكىزدىك», دەيدى ۇيىم­داستىرۋشى لۋرەنا دوسكەەۆا.

ۇيىمداستىرۋشىلاردىڭ ايتۋىنشا, «Bozjyra Fashion Week» ءسان اپتالىعىن وتكىزۋدەگى تاعى دا ءبىر نەگىزگى ماقسات – ءوز ىستەرىن جاڭادان باستاپ جاتقان تالانتتى ديزاينەرلەرگە قولداۋ كورسەتۋ.

«اقتاۋ قالاسىندا مۇنداي اپ­تالىق كەڭ اۋقىمدا العاش رەت ءوتتى. بۇل بولاشاقتا الەمدەگى ەتنوستىق سانگە اسەر ەتەتىن تۇتاس قا­ۋىمداستىق قۇرا الاتىن تۇر­كى الەمىنىڭ برەندتەرى مەن ديزاينەر­لەرىنىڭ بىرەگەي كوللابوراتسياسىن قۇرۋدىڭ تاماشا مۇمكىندىگى», دەيدى PR-مامان جانە «Collabo Me» شىعارماشىلىق كوللابوراتسيا اگەنتتىگىنىڭ باس ديرەكتورى ءجاميلا حانگەلدينا.

سونىمەن قاتار قازاقستاندىق زەرگەرلىك بۇيىمدار برەندى پرەميۋم توپتاماسىن العاش رەت كور­سەتتى. بۇل گاۋھار تاستارمەن بە­زەن­دىرىلگەن تازا كۇمىستەن جاسالعان شى­عارىلىمى شەكتەۋلى جاڭا توپتاما. «ويتكەنى كۇمىس – قۇندى مەتالل, ال گاۋھار – ەڭ باعالى تاس. ءبىزدىڭ ديزاين قازىرگى قازاق ايە­­لىنىڭ ەستەتيكالىق تۇيسىگىمەن تى­عىز بايلانىستى. ماحاببات, ونەر, ءداستۇردى ءار اشەكەي وزىمەن بىرگە «الىپ» جۇرەدى. ءبىز زامانعا ساي ينتەرپرەتاتسيالانعان تاريحي تامىرى بار اشەكەيلەردى جاسايمىز», دەيدى «Dimash Silver»زەرگەرلىك بۇيىم­دار برەندىنىڭ نەگىزىن قالاۋ­شىسى التىناي اشىرباەۆا.