بۇگىن پرەزيدەنت قاسىم-جومارت توقاەۆ قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ توراعاسى ۆان حۋنينمەن كەلىسسوز جۇرگىزدى. اڭگىمە بارىسىندا ۆان حۋنين قازاق-قىتاي قاتىناستارىن جوعارى باعالاپ, ەكى ەل اراسىنداعى ىنتىماقتاستىقتى بىرلەسە ىلگەرىلەتۋگە دايىن ەكەنىن جەتكىزدى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
ء«سىزدىڭ باسشىلىعىڭىزبەن قازاقستاننىڭ قارقىندى دامىپ, تۇرمىس دەڭگەيى ۇدايى جوعارىلاپ كەلەدى. بۇل – تاڭعالارلىق ناتيجە. بۇگىن ءسىز ء«بىر بەلدەۋ, ءبىر جول» III فورۋمىنىڭ اشىلۋ راسىمىندە وتە مازمۇندى ءسوز سويلەپ, ىنتىماقتاستىققا قاتىستى بىرقاتار ماڭىزدى ۇسىنىس ايتتىڭىز. ء«بىر بەلدەۋ, ءبىر جول» اياسىنداعى ستراتەگيالىق سەرىكتەستىكتىڭ 10 جىلىندا بارلىق تاراپتىڭ ورتاق كۇش-جىگەرىنىڭ ارقاسىندا ءبىز زور جەتىستىكتەرگە قول جەتكىزدىك. ءسىز سي تسزينپين مىرزامەن ۇدايى تىعىز بايلانىستا بولىپ, كوپتەگەن كەزدەسۋ وتكىزدىڭىز. سونىمەن قاتار سىزدەر قازاق-قىتاي قاتىناستارىنىڭ جاڭا «التىن 30 جىلدىعىن» باستاپ بەردىڭىزدەر. قىتاي تاراپى ەكى ەل باسشىلارى قول جەتكىزگەن ماڭىزدى ۋاعدالاستىقتاردى جۇزەگە اسىرۋ جولىنداعى ىنتىماقتاستىقتى بىرلەسە ىلگەرىلەتۋگە دايىن», دەپ سەنىم ءبىلدىردى قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ توراعاسى.سونداي-اق كەزدەسۋ بارىسىندا ەكى ەلدە جۇرگىزىلىپ جاتقان جان-جاقتى رەفورمالار جونىندە ايتىلدى. قاسىم-جومارت توقاەۆ پەن ۆان حۋنين بارلىق دەڭگەيدەگى بەلسەندى ساياسي ديالوگتى جالعاستىرۋ ماڭىزدى ەكەنىن اتاپ ءوتىپ, ەكىجاقتى قارىم-قاتىناستىڭ بۇكىل باعىتى بويىنشا ىنتىماقتاستىقتى نىعايتۋ پەرسپەكتيۆالارىن تالقىلادى.