اتالعان كەشەندى باعدارلاما جۇمىسپەن قامتۋدى ىنتالاندىرۋ, جالاقىنى ءوسىرۋ, كاسىپكەرلىكتى دامىتۋ جانە تۇراقتى جۇمىس ورىندارىن قۇرۋدى قامتيدى, دەپ حابارلايدى Egemen.kz.
ۇلتتىق ەكونوميكا مينيسترلىگىنىڭ مالىمەتىنشە, بۇل قۇجات ەل ازاماتتارىنىڭ ءال-اۋقاتىن جۇيەلى تۇردە ارتتىرۋعا باعىتتالعان ناقتى شارالار كەشەنىن بىرىكتىرەدى. سونىڭ ىشىندە كوممۋنالدىق سالا قىزمەتكەرلەرىنىڭ, ازاماتتىق قىزمەتشىلەردىڭ جانە اۋىل شارۋاشىلىعى سالاسى ماماندارىنىڭ جالاقىسىن ۇلعايتۋ كوزدەلگەن.
2026-2028 جىلدارى حالىقتىڭ تابىسى ينفلياتسيادان جوعارى قارقىنمەن جىل سايىن 2-3%-عا وسەدى
باعدارلاما اياسىندا ەڭبەكاقى تولەۋ قورىنىڭ ۇلەسىن ارتتىرۋ, سونداي-اق وڭدەۋ ونەركاسىبىندە جاڭا جۇمىس ورىندارىن اشۋ جوسپارلانىپ وتىر. بۇدان بولەك, ەكسپورتقا باعدارلانعان كاسىپورىنداردى قولداۋ ارقىلى ەكونوميكانىڭ تۇراقتى وسىمىنە سەرپىن بەرۋ كوزدەلگەن.
حالىقتىڭ قارجىلىق جۇكتەمەسىن ازايتۋ دا نەگىزگى باسىمدىقتاردىڭ ءبىرى. وسى ماقساتتا كوميسسيالار مەن ءتۇرلى تولەمدەر ارقىلى تۇسەتىن اۋىرتپالىقتى تومەندەتۋ شارالارى قاراستىرىلعان. سونىمەن قاتار, ءىرى كاسىپورىنداردىڭ الەۋمەتتىك جوبالارىن ىسكە اسىرۋ ارقىلى وڭىرلەردەگى الەۋمەتتىك تۇراقتىلىقتى نىعايتۋ كوزدەلەدى.
حالىقتىڭ تابىسىن ۇلعايتۋ باعدارلاماسى قابىلداندى
مينيسترلىك وكىلدەرىنىڭ ايتۋىنشا, 2026 جىل ازاماتتار تابىسىنىڭ تۇراقتى ءوسۋ ترەندىن قالىپتاستىرۋدا شەشۋشى كەزەڭ بولماق.
سونداي-اق ۆەدومستۆو مەملەكەتتىك دەرەكتەردىڭ اشىقتىعىن قامتاماسىز ەتۋ جانە ولاردى دۇرىس ءتۇسىندىرۋ باعىتىنداعى جۇمىستى جالعاستىراتىنىن مالىمدەدى.
ەكونوميكالىق ءوسىم حالىقتىڭ تابىسىنا قالاي اسەر ەتەدى؟