مەملەكەت باسشىسى قاسىم-جومارت توقاەۆ Digital Bridge فورۋمىندا جاساندى ينتەللەكتىنى نورماتيۆتىك تۇرعىدا رەتتەۋ تۋرالى ايتتى, دەپ حابارلايدى Egemen.kz.
«بۇگىندە 120-دان استام ەل بۇل ماسەلەنى شەشۋ ءۇشىن ءارتۇرلى زاڭنامالىق اكتى قابىلدادى. ءبىز وزىق الەمدىك تاجىريبەگە ساي كەلەتىن, نارىقتىڭ قاجەتتىلىگى مەن ازاماتتاردىڭ مۇددەسىن ەسكەرەتىن, قۇقىقتىق تۇرعىدان رەتتەيتىن زاماناۋي بازا ازىرلەۋ ءىسىن جەدەلدەتۋىمىز كەرەك. قۇقىقتىق شارتتار حالىقارالىق كومپانيالاردىڭ ءبىزدىڭ نارىققا كەلۋىن ىنتالاندىرۋى قاجەت. ول ءۇشىن مۇددەلەر تەپە-تەڭدىگىن ساقتاپ, اشىق جانە ءادىل «ويىن ەرەجەلەرىن» قالىپتاستىرعان ءجون», دەدى مەملەكەت باسشىسى.
وسى ورايدا ول جاساندى ينتەللەكت قۇرالدارىن ادامداردىڭ كۇندەلىكتى ومىرىنە كىرىكتىرۋ وڭاي مىندەت ەمەس ەكەنىن ايتتى. بۇل رەتتە ولاردىڭ قۇقىقتارى مەن بوستاندىقتارى بۇزىلماۋى ءتيىس.«فورۋمعا قاتىسۋشىلار وسى سالانى رەتتەيتىن نەگىزگى قۇجاتتاردى, سونىڭ ىشىندە تسيفرلىق كودەكس جوباسىن ازىرلەۋگە ۇلەس قوسا الادى دەپ ۇمىتتەنەمىن», دەدى پرەزيدەنت.