بىرلىك پەن بەرەكەگە شاقىرۋ – قازاق حالقىنىڭ قانىندا بار قاسيەت. قوجا احمەت ياساۋي بابامىز ادامنىڭ كەمەلدىككە جەتۋى ءۇشىن ءتورت شارتتى اتاپ وتكەن. ولار – كەڭىستىك, ۋاقىت, باۋىرمالدىق, ءوزارا ىنتىماقتاستىق. مىنە, وسى قۇندىلىقتار بولعان كەزدە قوعام دا, ادام دا باقىتتى بولادى.
الەمدىك جانە ءداستۇرلى ءدىن ليدەرلەرى سەزى ءدىني دوستىق پەن ءوزارا تۇسىنىستىكتى دامىتۋدىڭ تاپتىرماس الاڭى بولعانى انىق. مۇنداي حالىقارالىق دەڭگەيدە وتكەن جيىننىڭ ەلىمىزدە ۇيىمداستىرىلۋىنىڭ وزىندىك ءمانى بار. بۇل تۋرالى كەزدەسۋگە قاتىسۋشىلارعا ارناعان ۇندەۋىندە مەملەكەت باسشىسى دا اتاپ ءوتتى. پرەزيدەنت سەزدىڭ وتكىزىلۋى – ەلىمىز بەن بۇكىل الەمدە ديالوگ پەن ىنتىماقتاستىقتى نىعايتۋدى كوزدەيتىن قازاقستان ساياساتىنىڭ ماڭىزدى باعىتى ەكەنىن ايتتى.
جەر بەتىنە بەيبىتشىلىك پەن بەرەكەلى ءومىردى ورناتۋ – بارشا ادامزاتتىڭ ورتاق نيەتى. الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ ءححى وتىرىسىنا كەلگەن بارلىق ءدىن وكىلدەرى وسىنداي ورتاق ماقساتتار جولىندا كۇش بىرىكتىرۋگە, تەرروريزم مەن ءدىندى تەڭەستىرۋدەن باس تارتۋعا, بەيبىتشىلىكتىڭ قۇندىلىعىن ناسيحاتتاۋعا, بۇقارالىق اقپارات قۇرالدارىندا, الەۋمەتتىك جەلىلەر مەن قوعامدىق جيىنداردا ءوزارا تۇسىنىستىك پەن سىيلاستىقتى دارىپتەۋگە, سونداي-اق بارلىق ءدىننىڭ قۇلشىلىق جاساۋ ورىندارى مەن كيەلى جەرلەرىندە ارانداتۋشىلىق پەن ب ۇلىكتەردى بولدىرماۋعا كەلىستى. وسىنداي ورتاق ماسەلەلەر بارشا ءدىن وكىلىن رۋحاني تۇرعىدان بىرىكتىردى جانە ەلىمىزدە ءار ءۇش جىل سايىن ءوتىپ كەلە جاتقان الەمدىك جانە ءداستۇرلى ءدىن كوشباسشىلارىنىڭ سەزىن ۇيىمداستىرۋدىڭ ماڭىزىن تاعى دا دالەلدەدى.
ناۋرىزباي قاجى تاعان ۇلى,
قازاقستان مۇسىلماندارى ءدىني باسقارماسىنىڭ توراعاسى,
باس ءمۇفتي